Polısıa qyzmetkerleri Túrkistan oblysynyń 24 jastaǵy turǵynynan sıntetıkalyq esirtki salynǵan býmalardy tárkiledi.
Esirtkini zańsyz saqtap, ony ótkizbek bolǵan jas qyz ustaldy, dep habarlaıdy Almaty-akshamy.kz Polisia.kz-ke silteme jasap.
«Qalanyń Almaly aýdanynyń aýmaǵyn patrúldeý kezinde Býran-060 patrúldik ekıpajy sómke ustaǵan jas qyzdy baıqady, ol polısıa kóligin kórip, qatty qobaljyp, jasyrynbaq boldy. Sómkeniń ishindegisin tekserý kezinde 18 dana kólemindegi qara kolba men sary tústi 5 býma tabyldy. Ustalǵan adam 24 jastaǵy S.esimdi azamatsha, esirtkini zańsyz saqtaǵanyn jáne ótkizgenin birden moıyndady. Másele mefedron týraly bolyp otyr. Sot-hımıalyq saraptama taǵaıyndaldy», – dedi Almaty qalalyq PD JPQB patrúldik polısıa polkiniń komandıri Baýyrjan Hantemirov.
Qylmystyq is Almaly aýdanynyń polısıa basqarmasynda QR QK-niń 296-baby 2-bóligi boıynsha tirkeldi. Polısıa Almatyǵa esirtki jetkizý arnasyn jáne onyń taralý geografıasyn anyqtaýda.