Bul - qalaǵa berilgen jańa avtobýstyń 20 paıyzy.
Jańa avtobýstardyń arqasynda 12 marshrýttyq jeliniń máselesi sheshildi, dep habarlaıdy Almaty-akshamy.kz
«Bizdiń aldyńǵy eseptik kezdesýlerimizde sizderdiń ótinishterińizdiń kóp bóligi avtobýs parkiniń joǵary tozý deńgeıi, marshrýttyq jelilerdiń jetispeýi jáne qozǵalys ıntervaldarynyń buzylýy sıaqty qoǵamdyq kólik jumysynyń sapasyna qatysty boldy», - dedi búgin aýdan turǵyndarymen kezdesken qala basshysy.
Ótken jyldyń kókteminde Almaty qalasynyń ákimdigi 450 jańa avtobýs satyp aldy, onyń ishinde 92 (20%) avtobýs Alataý aýdanyna berildi. Jańa avtobýstardyń arqasynda 12 marshrýttyq jeliniń máselesi sheshildi.
Osylaısha, turǵyndardyń ótinish-tilekteri negizinde tórt jańa marshrýt ashyldy, qozǵalys ıntervalyn saqtap qalý úshin avtobýstar sanyn kóbeıtip, 2 marshrýt uzartyldy. Tórt marshrýt jelisindegi 52 avtobýs jańartyldy. Osylaısha, aýdannyń avtobýs parki 100% jańartyldy. Eki marshrýttyń júrý ıntervaly qalpyna keltirildi.
«2023 jyly biz eń kóp suranysqa ıe úsh marshrýttaǵy (№69, №125 jáne №24) avtobýstardy jańartýdy josparlap otyrmyz, sondaı-aq Qazaqstan Respýblıkasy Prezıdentiniń tapsyrmasyna sáıkes, qala mańy aımaǵynyń turǵyndaryn qoǵamdyq kólikpen qamtamasyz etý úshin osy jyldyń İİİ toqsanynda Kóliashy kentinen "Sálem" bazaryna deıin №213 marshrýtty iske qosý josparlanǵan. Ol Alataý aýdanynyń bir bóligin qamtıtyn bolady», - dedi Erbolat Dosaev.
Ótken jyldyń basynda aýdan boıynsha aıaldama keshenderine jalpy qajettilik 90 birlikti qurady. 2022 jyly 40 aıaldama ornatyldy. Qalǵan 50 aıaldama 2023 jyly ornatylady. Osylaısha, aýdandaǵy aıaldamalardyń jetispeý máselesi 2023 jyldyń sońyna deıin tolyq sheshiledi.