Turǵyndardy ortalyq sýmen jabdyqtaý jáne káriz jelisimen qamtamasyz etý aýdan damýynyń mańyzdy aspektisi bolyp tabylady.
Bul týraly Alataý aýdanynyń turǵyndarymen kezdesýde qala ákimi Erbolat Dosaev málimdedi, dep habarlaıdy Almaty-akshamy.kz.
Byltyr "Aqbulaq", "Shapaǵat", "Samǵaý", "Ójet" shaǵynaýdandarynda 187 km ortalyq sýmen jabdyqtaý jáne káriz jelisin jańǵyrtý aıaqtaldy.
Sonyń nátıjesinde Alataý aýdanynda ortalyq sýmen qamtý 70%-dan 80%-ǵa, al káriz jelisimen qamtý 55%-dan 67%-ǵa deıin artady.
"Samǵaý" jáne "Ójet" boıynsha káriz jelisin tolyq iske qosý úshin bes kanalızasıalyq sorǵy stansıasyn salý bıyl jyl sońyna deıin aıaqtaý josparlanǵan. Bul qosymsha 7,5 myń jeke turǵyn úıdi sapaly sýmen jáne káriz júıesimen qamtýǵa múmkindik beredi.
Bıyl 170 km ortalyq jelilerdiń qurylysy jalǵasyp, "Qarasý", "Shańyraq-1" shaǵynaýdandarynda 2023 jyldyń İİ toqsanynda aıaqtalady. "Alǵabas", "Áıgerim-1,2", "Boraldaı" shaǵynaýdandarynda osy jyldyń jeltoqsanynda bitedi. Barlyǵy 13 myń úı qamtylady.