Aýdanda marshrýttyq jeliler, jyljymaly quram, sondaı-aq avtobýs aıaldamalary jetispeıdi.
Bul problemalar "Alǵabas", "Terekti", "Rahat-Mádenıet", "Uljan-2", "Shańyraq-1", "Qarasý", "Saıaly-2" shaǵynaýdandarynda bar, dep habarlaıdy Almaty-akshamy.kz.
Osy shaǵynaýdandarda 15 maýsymǵa deıin 3 jańa marshrýt ashylady, 4 marshrýt (№109, 129, 25, 57) uzartylady jáne kúsheıtiledi. Sonymen qatar, №115 marshrýttaǵy barlyq jyljymaly quram jańartyldy.
Anyqtama úshin:
- "Shańyraq-1" shaǵynaýdanyn qamtı otyryp, "Uljan-2" shaǵynaýdanynan «Masaget» bıznes-ortalyǵynyń Rysqulov dańǵylyna deıingi jańa baǵyt.
- «Mádenıet» turǵyn úı kesheninen Soltústik aınalym kóshesine deıin "Ójet" shaǵynaýdany Bekbolat kóshesin qamtıtyn jańa qysqa marshrýt.
- "Qarasý" shaǵynaýdanynyń shyǵys bóligi arqyly "Uljan-2" shaǵynaýdanyna deıin "Ójet" shaǵynaýdanynyń 6-qala keshenin qamtıtyn jańa marshrýt.
- №129 marshrýtty "Qarasý" shyǵys bóliginen №179 mektepke deıin uzartý.
- "Saıaly-2" shaǵynaýdany boıynsha №25 jáne №57 marshrýttar «Saıaly-2» turǵyn úı kesheninen "Shańyraq-5" shaǵynaýdany Aqshaǵyl kóshesine deıin uzartylatyn bolady.
Búginde búkil aýdan aýmaǵyna 50 jańa aıaldama salý qajet. Olar jyldyń sońyna deıin salynyp, aıaldama jetispeýshiligi tolyq sheshilmek.