Alataý aýdany boıynsha «Mektep avtobýsy» jobasy aıasynda osy jylǵa eń muqtaj úsh mektep (№196 – 2 avtobýs, №184 – 2 avtobýs, №210 – 5 avtobýs) tańdap alyndy, jalpy sany 1153 balaǵa 9 avtobýs bólindi. Avtobýstardy satyp alýdy eskere otyryp, olar 2023 jyldyń aqpan aıynda iske qosylady dep kútilýde, dedi qala ákimi Erbolat Dosaev Alataý aýdanynyń turǵyndarymen kezdesýde.
Osy jyldyń İ toqsanynyń sońyna deıin Indýstrıalyq aımaqtyń aýmaǵynda kásiptik-tehnıkalyq kolejdiń, sondaı-aq ınovasıalyq tehnologıalar kolejiniń qurylysyn bastaımyz. 720 orynǵa eseptelgen árbir kolejdiń 380 oryndyq jataqhanasy bolady. Búgingi tańda olar boıynsha merdiger uıymdardy anyqtaýǵa konkýrstar ótkizilýde. Qurylys shamamen 2024 jyldyń qyrkúıegine deıin aıaqtalatyn bolady.
Bıyl balalarǵa arnalǵan sporttyq jáne shyǵarmashylyq úıirmelerdi jan basyna shaqqandaǵy qarjylandyrý jalǵasady. 2023 jylǵa Almaty qalasy boıynsha 68 myń balany qamtý úshin 16,2 mlrd. teńge somasynda búdjet bekitildi, onyń ishinde Alataý aýdany úshin – 2,35 mlrd. teńge.
Balalardy qosymsha oqytýmen qamtý kólemin odan ári arttyrý úshin 2022 jyldyń aqpanynan bastap kópsalaly Inovasıalyq shyǵarmashylyq ortalyǵynyń (Oqýshylar saraıy) qurylysy bastaldy. Oǵan aptasyna 5 myńnan astam bala baratyn bolady. Onyń qurylysy 2023 jyldyń II toqsanyna deıin aıaqtalady.
Sondaı-aq, "Zerdeli" shaǵynaýdanynda dene shynyqtyrý-saýyqtyrý kesheniniń jáne "Nurkent" shaǵynaýdanynda tenıs korttarynyń qurylysy júrip jatyr. Bul sport keshenderi 2023 jyldyń jeltoqsan aıynda daıyn bolady.