Jańa shaǵynaýdandar, jasyl saıabaqtar men sport alańdary – Almatynyń Alataý aýdany qalaı ózgerýde
Almatydaǵy Alataý aýdanynyń ákimi Azamat Qaldybekov Óńirlik komýnıkasıalar qyzmetinde ótken brıfıńte osy aýdanda qandaı turǵyn úı keshenderi men jańa saıabaqtar paıda bolatyny, qaı aýlalar men aýmaqtar abattandyrylatyny týraly aıtty, dep habarlaıdy Almaty-akshamy.kz.
A. Qaldybekov qazirgi ýaqytta Alataý aýdany jańa zamanaýı turǵyn úı keshenderimen belsendi túrde salynyp jatqanyn basa aıtty. Kóp páterli turǵyn úı qory 655 úıdi quraıdy.
Ótken jyly aýdany 272 myń sh.m bolatyn 35 kóp qabatty turǵyn úı paıdalanýǵa berildi, onyń ishinde «Almaly» kóp qabatty bes úıi, «Alataý sıtı» turǵyn úı kesheniniń 7 úıi jáne 13 shaǵyn aýdannyń 23 úıi.
«Bıyl memlekettik baǵdarlama boıynsha Rahat-Mádenıet shaǵynaýdanyndaǵy 22 úıden turatyn «Mádenıet» turǵyn úı kesheniniń qurylysy aıaqtalýda. Joba boıynsha 44 myń sh.m turǵyn úı qurylysy qarastyrylǵan», - dedi A. Qaldybekov.
2021 jyly ınvestısıalar esebinen «Alataý sıtı», «Almaly», «Shahar City», «O-JET», «Yrysty», «Aqkent», «Severnyı», «Dostyq» segiz turǵyn úı kesheninde 87 kóp qabatty úı salynýda. Paıdalanýǵa beriletin turǵyn úıdiń aýdany 434 myń sharshy metrden asady.
Sondaı-aq, A. Qaldybekov aýdandy sanıtarlyq tazartý jumystaryn kúsheıtý týraly aıtty. Mysaly, Alataý aýdanynyń 23 shaǵynaýdanynda qoqys shyǵaratyn 12 kásiporyn bar. Aýdanda 45 konteıner alańy bar, konteınerlerdiń jalpy sany - 180 birlik. Kúnine 1200-1300 tekshe metr qoqys shyǵarylady.
Aýdandy kógaldandyrýǵa jete kóńil bólinedi, jyl basynan beri 1200-den astam aǵash otyrǵyzyldy. Taǵy 3 000 kóshet kúzde otyrǵyzylady dep josparlanýda. Jalpy, Alataý aýdanda 130 myńǵa jýyq aǵash otyrǵyzý josparlanǵan.
A. Qaldybekov ár turǵynǵa óz jobalaryn usynýǵa múmkindik beretin «Búdjetke qatysý» baǵdarlamasynyń aýdanda qalaı júzege asyrylyp jatqanyn túsindirdi.
2020 jyly osy baǵdarlama aıasynda qala turǵyndarynan 99 joba kelip tústi, onyń ishinde turǵyndardyń daýys berýi boıynsha bıyl 1 mlrd 300 mln teńgeniń 31 jobasy júzege asady. Barlyq jobalar boıynsha qurylys-montaj jumystary júrgizilýde, olar jyl sońyna deıin aıaqtalady.
Sonymen qatar, qolaıly jaǵdaı jasaý úshin Uljan, Shańyraq-2, Nurkent, Alǵabas shaǵynaýdandaryndaǵy jasyl aımaqqa aǵymdaǵy jóndeý jumystaryn júrgizý josparlanýda.
«Joba aıasynda 2021 jyldyń sońyna qaraı balalar men sport alańdary salynady, jaıaý júrginshilerge arnalǵan qosymsha aımaqtar qurylady, kósheler jaryqtandyrylady, demalatyn oryndar paıda bolady», - dedi aýdan ákimi.
Aýdanda 53 aýla aýmaǵyn abattandyrý boıynsha jumystar bastaldy. Sonymen qatar 15 aýlany jóndeý josparlanǵan.