Bul týraly İshki ister mınıstrligi ótkizgen arnaıy brıfıńte aıtyldy.
Kıberqylmysqa qarsy kúres basqarmasy mamandarynyń aıtýynsha, mundaı adamdar sybaılas retinde qarastyrylady, dep habarlaıdy Almaty-akshamy.kz.
Sebebi olar bank kartasyn, abonent nómirin qoldanysqa berý arqyly alaıaqtyq jolmen tabylǵan aqshany shyǵarýǵa kómektesedi.
Tipti shotyna kelip túsken qarajatty halyqaralyq tólem júıeleri nemese krıptobırja arqyly shetel asyrýǵa kómektesetinder bar.
«Almatyda ótken jedel is- shara nátıjesinde 2 qylmystyq top ustaldy. Olardyń quramynda Reseı, Belarýs, Qyrǵyzstan azamattary men otandastarymyz bar. Qazaqstandyqtar bank kartasyn rásimdeıtin adamdardy tabýmen aınalysqan. Osyndaı alaıaqtar basqa da aımaqtarda bar. Sondyqtan azamattardy kúmándi usynystarǵa kelispeýge shaqyramyz. El boıynsha alaıaqtarǵa kómekteskender ustalyp, tergelip jatyr. Olar zań boıynsha jazalanady», - deıdi İİM krımınaldyq polısıa departamenti kıberqylmysqa qarsy kúres ortalyǵy bastyǵynyń orynbasary Rústem Dúısetaev.