«Black Biotechnology» JSHS-niń «AL KARAL» brendimen shyǵarylatyn organıkalyq jem qospalary men tyńaıtqyshtardy óndiretin otandyq óndirýshi Latyn Amerıkasy elderine eksporttaýdy josparlap otyr.
Kompanıa ókilderiniń Argentınaǵa sapary barysynda osyndaı kelisimge qol jetkizildi, dep habarlaıdy aqshamnews.kz Aýyl sharýashylyǵy mınıstrligine silteme jasap.
«AL KARAL» brendiniń negizin qalaýshy Asem Kenjebek jergilikti kásipkerlermen, Argentınanyń Aýyl sharýashylyǵy mınıstrliginiń ókilderimen, memlekettik organdarmen birqatar kezdesýler ótkizip, gýmın zattary negizinde jasalǵan ınovasıalyq ónimderin tanystyrdy.
«Biz ónimderimizdi jaqyn shet elderge eksporttap kelemiz. Endi Latyn Amerıkasyndaǵy aýyl sharýashylyǵynyń sapasyn arttyrýǵa jáne Qazaqstannyń organıkalyq óndiris salasyndaǵy halyqaralyq baılanystaryn nyǵaıtýǵa kómektesetin shyǵar dep úmittenemiz», - dedi Asem Kenjebek.
Kompanıa josparyna sáıkes, kelesi jyldyń basynda jańa zaýyt salynyp, óndiris pen ónimniń halyqaralyq sertıfıkasıasy aıaqtalǵannan keıin Argentına men Brazılıaǵa eksport bastalady.
Eske sala keteıik, 2023 jyly «Black Biotechnology» JSHS «Jasyl» ESG oblıgasıalaryn shyǵarǵan alǵashqy SHOB kompanıalarynyń biri boldy. 2023 jyldyń qarasha aıynda 2 mıllıard teńgege berilgen oblıgasıalardyń kýpondyq syıaqysy «Damý» qorymen sýbsıdıalandy, al 75% kepildigi Almaty ÁKK-sy berdi. Tabylǵan ınvestısıalarǵa Almatynyń ındýstrıalyq aımaǵynda zaýyt salynyp jatyr, ony jyldyń qarasha aıynda aıaqtaý josparlanýda.