Taldyqorǵanda Jetisý oblysynyń qylmystyq ister jónindegi mamandandyrylǵan aýdanaralyq soty Aqsý aýdanynyń turǵyny Aızat Jumanovanyń ólimine qatysty isti qarap, úkim shyǵardy, dep habarlaıdy Aqshamnews.kz tilshisi.
Sotta marqumnyń jubaıy Aıbar Janbolat QR QK 99-baby 1-bóligi («Adam óltirý») boıynsha aıyptaldy. Sottyń anyqtaýynsha, 2025 jylǵy 22 maýsymǵa qaraǵan túni aıyptalýshy mas kúıde jábirlenýshini úı aýlasynan shyǵaryp, soqqy jasaǵan. Áıel alǵan jaraqattarynan keıin medısınalyq mekemede kóz jumǵan.
Aıyptalýshynyń kinási sot saraptamalarynyń qorytyndylarymen, kýágerlerdiń jaýaptarymen, tergeý áreketteri hattamalarymen jáne qylmystyq is materıaldarymen dáleldengen. Sot onyń buryn sottalmaǵanyn jáne kináni ishinara moıyndaǵanyn eskergenimen, qylmysty alkogóldik mas kúıde jasaýy aýyrlatatyn mán-jaı retinde tanyldy.
Nátıjesinde sot Aıbar Janbolatty kináli dep tanyp, 14 jylǵa bas bostandyǵynan aıyrý jazasyn taǵaıyndady. Ol jazasyn ortasha qaýipsizdik mekemesinde óteıdi. Aıta keteıik, prokýror buǵan deıin aıyptalýshyǵa 15 jyl suraǵan. Úkim ázirge zańdy kúshine engen joq.