Jyl saıyn 1 jeltoqsanda Dúnıejúzilik JQTB -ne qarsy kúres kúni atap ótiledi, bul AITV-ınfeksıasy barlyǵyna áser etetin jahandyq problema bolyp qala beretinin eske salady.
AITV jáne JQTB týraly neni bilý mańyzdy?
AITV (adamnyń ımmýn tapshylyǵy vırýsy) – ımýndyq júıege áser etetin vırýs. Emdeý bolmasa, ol JQTB -ne — júre paıda bolǵan ımýndyq tapshylyq sındromyna ákelýi múmkin. JQTB – bul aýrý emes, aǵza ınfeksıalarmen kúrese almaıtyn kezeń.
Biraq búginde AITV ólim úkimi emes. Antıretrovırýstyq terapıany alatyn adamdar uzaq jáne tolyq ómir súre alady, otbasyn quryp, áleýmettik belsendi bola alady.
AITV juǵý joldary:
AITV qol alysý, súıisý, ydystardy ortaq paıdalaný nemese qushaqtaý arqyly berilmeıdi.
AITV qorǵalmaǵan jynystyq qatynas arqyly beriledi; qan arqyly (ortaq ıneler, sterıldenbegen aspaptar); jáne anadan balaǵa júktilik, bosaný jáne emizý kezinde.
Ózińizdi qalaı qorǵaýǵa bolady?
Jynystyq qatynastyń barlyq túrlerinde prezervatıvterdi qoldanyńyz.
Inelerdi, manıkúr quraldaryn nemese ustara pyshaqtaryn ortaq paıdalanbańyz.
Jylyna keminde bir ret AITV-ǵa test tapsyryp tekserilý.
Siz táýekel tobynda bolsańyz , jedel túrde mamanǵa habarlasyńyz.
Testileý – qaýipsizdikke jasalǵan qadam.
Stıgmany birge joıamyz
«Almaty qalalyq salaýatty ómir saltyn qalyptastyrý ortalyǵy» JSHS tapsyrysy boıynsha, 2025j