Májilis depýtaty Asqat Aımaǵambetov medısınalyq kómekti halyqqa barynsha qoljetimdi etýdiń joldaryn usyndy, dep habarlaıdy Almaty-akshamy.kz BAQ.KZ-ke silteme jasap.
- Qazir azamattarymyz aýrýhanaǵa baryp, tekserýden tegin ótkisi kelse, 1 nemese 3 aı kútýi kerek. Al sol qyzmetke aqsha tólese, 3 mınýtta ótedi. Osylaısha bul jasandy problema, - dedi depýtat.
Sondaı-aq ol osy salaǵa engizilgen qarjylandyrý júıesi de durys emes ekenin aıtty.
- Mysaly, qazir aýrýhanalar qarajatty aı saıynǵy kvota arqyly alady. Aıtalyq, KT jasaýǵa aıyna 10 kvota, MRT isteýge 5 kvota beriledi. Eger suranys budan kóp bolsa, onda dáriger emdelýshini kelesi aıǵa jazýǵa májbúr, - dedi Asqat Aımaǵambetov.
Depýtat osyndaı jaǵdaıdy eskerip, mindetti áleýmettik medısınalyq saqtandyrý júıesin reformalap, aı saıynǵy qarjylandyrýdan bas tartýdy usyndy.