Aıka – eskortshylar jelisin uıymdastyrýshy.
Qoǵamda atyshýly istiń biri – "Aıka tizimi" degen atpen tanymal, 6,5 jylǵa sottalǵan elıtalyq eskortshylar jelisin uıymdastyrýshy sot úkimine shaǵymdanbaq, dep habarlaıdy Almaty-akshamy.kz
"Búgin 6,5 jylǵa sottalǵan elıtalyq eskortshylar jelisin uıymdastyrýshy 25 jastaǵy qyzdyń túrmede uzaq ýaqyt otyrǵysy kelmeıtini belgili boldy. Ol apelásıalyq shaǵym túsirdi. Proses jabyq rejımde ótedi", dep jazdy KTK telearnasynyń saıty.
Sottalǵandardyń ustalǵandary jaıly aqparat 2023 jyldyń maýsym aıynda belgili boldy. Olardyń baı klıentterge úlken aqshaǵa seks-keshter uıymdastyryp otyrǵany habarlandy. Kórsetilgen jeńgetaılyq úshin M. klıentten alynǵan aqshanyń 40% -yna ıelik etken. "Kezdesýlerdiń" bir saǵaty 500 myń teńgeden bastalǵan. Onyń 2022 jylǵy aqshalaı qarajatynyń aınalymy 209 mln teńgeden asqan.
Tintý kezinde kúdiktiden qylmystyq "bıznes" týraly jazbalary bar qujat tárkilendi. Odan bólek Lexus jáne Toyota Camry kólikteri tárkilendi, sondaı-aq esirtki de tabyldy.
Keıinirek ustalǵan adamnyń jazbalarynda bolǵan klıentterdiń derekteri jelige taralǵany belgili boldy. Daýly tizimde belgili qazaqstandyq tulǵalar da bolǵan. Ol "Aıka tizimi" degen atpen tanyldy. Qazaqstan İİM atalǵan fakti boıynsha tekserý júrgizip jatqanyn habarlady. 2024 jyldyń 21 mamyrynda Almatyda elıtalyq eskortshylar qyzmetin usynatyn bıznesti uıymdastyrýshy qyzǵa qatysty úkim shyǵarylyp, ol 6,5 jylǵa bas bostandyǵynan aıyrylǵan bolatyn.