Bul týraly Sıfrlyq damý, ınovasıalar jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov málimdedi.
Qytaı úkimeti bóletin grant qarajattary ǵaryshtyq tehnıka men tehnologıalardy damytýǵa baǵyttalmaq, dep habarlaıdy Almaty-akshamy.kz
«Qytaı tarapymen tehnıka salasynda yntymaqtastyqty kúsheıtý boıynsha úkimetaralyq kelisimge qol qoıyldy. Osy kelisimniń aıasynda birneshe memorandým jasaldy. Oǵan sáıkes Qytaı tarapynan 100 mln ıýán kóleminde qaıtarymsyz granttar bólinedi. Ol granttar ǵaryshtyq tehnıka men tehnologıalardy damytýǵa arnalǵan. Ol degenimiz astrofızıka, ıonosfera ǵylymı ınstıtýttarymyzdyń ınfraqurylymy jańartylady. Sol arqyly astrofızıka jáne basqa da salalardy jetildiremiz dep otyrmyz. Qytaı ǵarysh salasyndaǵy úlken derjava, qaıtarymsyz granttar otandyq ǵarysh salasyn damytýǵa áser etedi dep senemiz», - dedi Baýbek Oralmaǵanbetov.
Ol sondaı-aq granttar baıqaý arqyly taǵaıyndalatynyn jetkizdi.