Stýdent Janǵalı Maqsutov temirge til bitirdi.
Temirge til bitirip, qozǵalysqa keltirý úshin 130 myń teńge jumsalypty.
İzdenimpaz stýdent bul robotty jasap bitirý úshin tórt jyl talmaı eńbektengen. Buǵan deıin 4 robot qurastyrypty, dep habarlaıdy Almaty-akshamy.kz
24.kz saıtynyń málimetinshe, Janǵalıdyń robot jasaýǵa degen qyzyǵýshylyǵy 7-synypta oıana bastaıdy. Al «Taırant-5»-tiń ereksheligi - qazaq tilinde sóılep, suraqtarǵa jaýap bere alady. Jas ınjener robototehnıka jasaýdyń álippesin ınternetten oqyp úırengen.
«Osy robotty sóıletý úshin 5-10 tájirıbe jasalyndy. Sol tájirıbelerdiń alǵashqysynda durys sóıleı almady. Ekinshisinde kolonkasynyń daýysy durys shyqpady. Úshinshisinde symdar durys baılanyspaı qaldy. Sóıtip, kóptegen tájirıbelerdiń arqasynda osy dúnıem sapaly bop shyqty. Robottyń alǵashqy syzbasy men nobaıy tórt jyl buryn syzyldy. Bıyl korpýsy jasalyp, baǵdarlamasy ornatyldy. Aldaǵy ýaqytta osyndaı robottardyń basqa túrlerin jasap, aýyl sharýashylyǵynda, medısınada, óndiriste qyzmet etetin temir robottardy qoldanysqa shyǵarǵym keledi, - deıdi Janǵalı Maqsutov.