Ekoaksıany kórnekti memleket jáne qoǵam qaıratkeri Murat Áýezov jalǵastyryp, ári qaraı barsha almatylyqtarǵa joldady.
Biz, qazaqtar, óz jerimizden basqa Otanymyz joq dep sanaımyz, al bul ǵaryshtyq, planetalyq masshtabtaǵy aǵashtardyń Jerden basqa Otany joq. Eger bárimiz aǵashtardy sýaryp, ómir syılasaq, biz ózimizdi joǵaltpaımyz. Bizge qosylyńyzdar!
Gazetimizdiń ótken sandarynda «Alataý Aqparat» medıaholdıngi («Almaty aqshamy», «Vechernıı Almaty» gazetteri) ujymynyń Táýelsizdigimizdiń 30 jyldyǵyna oraı «Aǵashtardy aıalaıyq!» atty chellendjdi bastaǵany týraly habarlaǵan edik.
«Alataý Aqparat» JSHS «Aǵashtardy aıalaıyq!» chellendji aıasynda mekeme aınalasyndaǵy aǵashtar men byltyr Abaı dańǵylynyń boıyna ózderi otyrǵyzǵan jasyl jelekti sýǵarǵan bolatyn. Sondaıaq, osy chellendjdi Qazaqstan Jýrnalıser odaǵyna, «Novoe pokolenıe», «Qazaq úni» gazetteriniń ujymyna joldaǵan. Uıymshyl ujymnyń chellendjdin alǵashqylardyń biri bolyp Qazaqstan Jýrnalıser odaǵy jalǵastyrǵan edi.
Ekoaksıany kórnekti qoǵam qaıratkeri, mádenıettanýshy, jazýshy Murat Áýezov qabyl alyp, ary qaraı joldady.
– Kez kelgen ıdeıa naqty adamdar arqyly júzege asady, kez kelgen ıgi is ony jasaǵandardyń esebinen ómir súredi jáne odan shabyt alady. Qalalyq gazetter ıgi is jasap jatyr. Men bul jer betinde 80 jyl ómir súrip kelemin jáne bul týraly aıtýǵa quqym bar. Almaty árqashan jasyl jelektermen, sýarmaly aryqtarmen, gúlzarlarmen, sýburqaqtarmen áıgili boldy, sondyqtan aǵashtardyń qýraýyna jol bermeıik, – deıdi .
Aǵash týraly túsinik adam sanasyna ejelden engen qyzyqty taqyryptardyń biri deýge bolady. Oǵan degen súıispenshilik pen qurmet ýaqyt shekteýinen bastap epostar, ańyzdar, ádebı týyndylar, qolóner men jerdegi barlyq halyqtardyń óner týyndylary arqyly jol tabady. Mysaly, daos monastyrlarynda aǵash ósetin kezde olardyń rýhanı ómiriniń tolý dárejesin anyqtaýǵa bolady dep eseptelgen. Eger olar jaqsy, túzý boı túzep, myqty butaqtary men táji bar bolsa, onda monastyrdegi atmosfera jaqsy degendi bildiredi.
Qazaqtarda «shejire» degen sóz asyl tuqym degenge saıady. Al aǵashtarda bul jyldyq saqınalar bolyp tabylady. Olardyń kómegimen ómir týraly, sondaı-aq adamnyń shejiresi týraly kóp nárseni bilýge bolady. Ǵasyrlar boıy olar bul aqparatty boıynda saqtaǵan. Aǵashtar – barlyq tirshilik ıeleriniń jady desek bolady.
– Búkil jerde órt tutanyp jatqany birinshi jyl emes. Qasıetti jerler órtenip jatyr. Bul – órkenıet úshin úlken kúná ári sýısıd. Barlyq ormandar órtenip ketpes buryn, bizdiń sanamyz óledi. Biz, qazaqtar, óz jerimizden basqa Otanymyz joq dep sanaımyz, al bul ǵaryshtyq, planetalyq masshtabtaǵy aǵashtardyń Jerden basqa Otany joq. Sondyqtan men Nıkolaı Gýmılevtiń «Na laskovoı zemle, sestre zvezdam, My – na chýjbıne, a onı – v ochızne» degen joldaryn eske túsiremin, – dedi ǵalym.
– Aǵashtardyń tamyry, dińi, butaqtary men japyraqtary – adamzat balasynyń sımvoly, al búgin biz tamyrymyzdy kessek, tabıǵat oǵan shydamdylyq tanytpaıdy. Aǵash – adamǵa ózin joǵaltpaý úshin berilgen qasıetti syılyq. Eger bárimiz aǵashtardy sýaryp, ómir syılasaq, biz ózimizdi joǵaltpaımyz. Bizge qosylyńyzdar !