Adamdy bet-álpetine qarap tanıtyn kamera Qazaqstannyń eki qalasynda iske qosyldy, dep habarlaıdy aqshamnews.kz.
Bul ınovasıalyq joba İshki ister mınıstrligi, Ulttyq qaýipsizdik komıteti jáne Sıfrlyq damý, ınovasıalar jáne aeroǵarysh ónerkásibi mınıstrliginiń yntymaqtastyǵymen ázirlendi. Ulttyq beınemonıtorıng júıesi izdeýde júrgen adamdardy tanýǵa, qoǵamdyq oryndarda qalyp ketken zattar týraly sıgnal berýge, quqyq buzýshylyqtardy avtomatty túrde tirkeýge múmkindik beredi. Sonymen qatar bul kompúterlik baǵdarlama kólikti markasy, modeli jáne túsi boıynsha anyqtaı alady.
Júıe óz tıimdiligin kórsetip úlgerdi. Mysaly Dúnıejúzilik kóshpendiler oıyndaryn ótkizý kezinde elordanyń qoǵamdyq oryndarynda joǵalǵan balalardy, sondaı-aq esepte turǵandar men habar-osharsyz ketken adamdardy jedel tabýǵa múmkindik berdi. Bul júıeniń kómegimen Astanada izdeýde júrgen 46 quqyq buzýshy jedel túrde anyqtaldy.
Inovasıalyq joba Almatyda da júrgizilip jatyr. Megapolıste kúdikke ilingen 30 adam anyqtalyp, quryqtaldy.
«Engizilgen tehnologıalar – aqyldy qalalardy qurýǵa jasalǵan qadam. Olar qoǵamdyq qaýipsizdik deńgeıin arttyryp, qylmysty azaıtýǵa kómektesedi. Mundaı júıeler Qytaıda, Reseıde jáne Eýropa elderinde belsendi qoldanylady. Aldaǵy ýaqytta kameralar sanyn ulǵaıta otyryp, beınemonıtorıngti keńeıtý josparlanyp otyr. Bul kezeń-kezeńimen júrgiziletin bolady», delingen habarlamada.