Ozyq ári tabysty elge aınalý úshin qoǵamda qandaı qundylyq ústemdik qurýy kerek. Qoǵamda adaldyq ústemdik quratyn bolsa jeter jetistikterdiń kóp bolatynyn aıtty Qasym-Jomart Toqaev Ulttyq quryltaıdyń úshinshi otyrysynda.
«Árıne, munyń bári qatyp qalǵan qaǵıda emes. Alaıda, ulttyń jańa sapasyn qalyptastyrý jolyndaǵy negizgi baǵyt-baǵdar bola alady. Elimizdegi árbir azamat osy basty qundylyqtardy berik ustanýy kerek. Men usynǵan «Adal azamat» uǵymy munyń bárin túgel qamtıdy. Sonymen birge bul Ádiletti Qazaqstan ıdeıasymen úndesip jatyr. Biz osy irgeli qundylyqty urpaq sanasyna sińire berýimiz kerek.
Adal azamat degenimiz – jaqsy qasıetterge ıe bolyp, adal eńbek etetin jáne tabysqa adal jolmen jetetin adam. Iaǵnı, adaldyq pen ádildikti bárinen bıik qoıady. Ozyq oıly ult bolý úshin búkil qoǵam sana-sezimin ózgertip, jańa qundylyqtardy ornyqtyrýy kerek. Árbir adam «Adal azamat» degen atqa laıyq bolsa, elimizde ádil qoǵam ornaıdy. «Adal adam – Adal eńbek – Adal tabys» – bir-birinen ajyramaıtyn uǵymdar. Osy úsh taǵandy ozyq ári tabysty elge aınalýdyń basty kilti deýge bolady», - dedi Memleket basshysy.