Olar Jambyl oblysy arqyly shekaradan ótip, Qazaqstanǵa kelgen
Batys Qazaqstan oblysynda Aýǵanstannyń 9 azamaty Qazaqstan-Reseı shekarasyn zańsyz kesip ótken, dep habarlaıdy Almaty-akshamy.kz «Adyrna» portalyna silteme jasap.
Basylym keltirgen derekke súıensek, ústimizdegi jyldyń qazan aıynda 9 Aýǵanstan azamaty Jambyl oblysy arqyly shekaradan ótip, Qazaqstanǵa kelgen. Olar búkil respýblıkany aralap shyǵyp, Batys Qazaqstan oblysy, Báıterek aýdany, Darınskoe aýylynyń mańynda shekarany zańsyz kesip ótken.
Aldyn ala málimet boıynsha, aýǵandyqtardy reseılik qaýipsizdik kúshteri ustaǵan.
QR UQK Aýǵanstan azamattarynyń shekarany zańsyz kesip ótkeni týraly aqparatty rastady. Vedomstvonyń habarlaýynsha, bul fakti 2021 jyldyń 10 qazanynda UQK Batys Qazaqstan oblysy boıynsha departamentiniń Tergeý basqarmasynda tirkelgen.
QR Qylmystyq kodeksiniń 394-babynyń 2-bóligi «Zańsyz kóshi-qondy uıymdastyrý» boıynsha sotqa deıingi tergeý amaldary júrgizilýde.