Kardıologıa jáne ishki aýrýlar ulttyq ǵylymı-zertteý ınstıtýtynda Karolınsk ınstıtýtynyń (Shvesıa, Stokgolm) júrek-qan tamyrlary hırýrgıasy salasyndaǵy jetekshi sarapshysy, profesor Naýzad Salehtiń jetekshiligimen master-klass ótti.
Shvedtik profesordyń qatysýymen 7 pasıentke aortalyq qaqpaqshany endovaskýlárly jolmen kúrdeli almastyrý operasıalary sátti júrgizildi, dep habarlaıdy aqshamnews.kz.
Mundaı az ınvazıvti operasıalar júrek-qan tamyrlary aýrýlary aýyr formada ótetin, ashyq júrek operasıasyna qarsy kórsetilimi bar pasıentterge jasalady.
Pasıentterdiń biri – 87 jastaǵy Mıhaıl Fódorovıch aortalyq qaqpaqshanyń krıtıkalyq stenozymen aýrýhanaǵa tústi. Ony júrek tusyndaǵy qysatyn aýyrsyný, tipti tynysh kúıde paıda bolatyn júrek soǵysynyń jıileýi, entigý men bas aýrýy mazalaǵan.
Joǵary tehnologıaly medısınanyń arqasynda Mıhaıl Fódorovıch sıaqty egde jastaǵy pasıentter kúrdeli júrek patologıasymen ómir súrýge jańa múmkindik alyp, operasıadan keıingi qalpyna kelý kezeńi de jyldam ótýde.
Profesor Saleh klınıkanyń ıntervensıalyq kardıologtarymen óz bilimimen jáne tájirıbesimen bólisip, aortalyq qaqpaqshany almastyrýdy qajet etetin pasıentterge kórsetiletin medısınalyq kómektiń sapasyn arttyrýǵa yqpal etti.