Almatyǵa Tel-Avıv-Almaty tikeleı áýe reısimen Izraılden týrıserdiń birinshi toby keldi. Aptasyna eki ret – beısenbi jáne jeksenbi kúnderi AIRBUS A321lr áýe kemesimen ushýǵa bolady.
Tel-Avıvten reıstiń uzaqtyǵy 5 saǵat 50 mınýt, Almatydan keri reıstiń uzaqtyǵy – 6 saǵat 45 mınýt, dep habarlaıdy Almaty-akshamy.kz.
Jańa áýe qatynasynyń ashylýyna oraı, Almaty qalasynyń Týrızm basqarmasy Izraılden kelgen qonaqtardy qalanyń jáne onyń aınalasyndaǵy tanymal kórikti jerlermen tanystyrý úshin týr uıymdastyrdy. Týrıser «Shymbulaq» taý shańǵy kýrortyna, «Medeý» densaýlyq baspaldaǵyna, Sharyn shatqalyna, Kólsaı kóline jáne t.b. keremet oryndarǵa barady.
«Almaty-Tel-Avıv» baǵyty boıynsha jańa avıareıstiń ashylýy qalamyzdyń týrısik áleýetin arttyrady, sonymen qatar, eki memleket arasyndaǵy saýda-ekonomıkalyq jáne mádenı baılanystardy nyǵaıtýǵa múmkindik beredi. Qabyldanǵan sharalar negizinde týrısik destınasıa retinde Almatyǵa degen qyzyǵýshylyq kúnnen kúnge artyp keledi, biz bul jumysty jalǵastyramyz», - dedi Almaty qalasy Týrızm basqarmasynyń basshysy Ǵalıa Toqseıitova.
Aıta keteıik, pandemıa aıaqtalǵasyn Almatyǵa týrıser kóptep kele bastady. Bıyl birinshi jartyjyldyqta megapolıske 972 myńnan astam adam keldi, onyń 710 myńnan astamy – ishki týrıser, 261 myńnan astamy – sheteldikter.