228-i jańadan salynady, 427-si qazirgi obektilerdiń ornyna salynady.
Densaýlyq saqtaý mınıstrliginde aýyl men qalanyń densaýlyq saqtaý salasyndaǵy alshaqtyqty qysqartýdy kózdeıtin «Aýyldyq densaýlyq saqtaýdy jańǵyrtý» pılottyq jobasy talqylandy, dep habarlaıdy Almaty-akshamy.kz
Densaýlyq saqtaý vıse-mınıstri Jandos Búrkitbaev joba aıasynda alǵashqy medısınalyq-sanıtarlyq kómek uıymy jetispeıtin jerlerde medpýnkt, feldsherlik-akýsherlik pýnkt, dárigerlik ambýlatorıalar salý arqyly barlyq aýyldy eldi mekender medısınalyq ınfraqurylymmen qamtamasyz etiletinin jetkizdi.
Buǵan qosa ınsýlt ortalyǵy, kardıologıa, jansaqtaý, ońaltý bólimderi bar jáne zamanaýı medısınalyq quraldarmen (KT, MRT, ÝZI, ÓJJ apparaty t.b.) jabdyqtalǵan zamanaýı kóbeıindi aýdanaralyq aýrýhanalar uıymdastyrylady.
Densaýlyq saqtaý mınıstrligi ákimdiktermen birge medısınalyq-sanıtarlyq alǵashqy kómek (MSAK) nysandarynyń qurylysyna qajettilikti anyqtady. Qazirgi tańda el kóleminde 655 MSAK obektisine zárýlik bar, onyń 228-i jańadan salynady, 427-si qazirgi obektilerdiń ornyna salynady.
Sondaı-aq 20-syn jańadan paıdalanýǵa berý jáne burynnan bar 12-sin jańǵyrtý arqyly 32 kópbeıindi ortalyq aýdandyq aýrýhana uıymdastyrylady.