Jylda tamyz aıynda jalǵa beriletin páter aqysy qymbattaıdy.
Almatynyń Bostandyq, Almaly, Medeý aýdandarynynan páter jaldaǵysy keletinderdiń sany óte kóp, dep habarlaıdy Almaty-akshamy.kz QazAqparatqa silteme jasap.
Mundaı pikirdi onlaın brıfıń barysynda Qazaqstan rıeltorlar qaýymdastyǵynyń mamandary aıtty.
Qazaqstan rıeltorlarynyń ózin-ózi retteıtin qaýymdastyǵy prezıdentiniń keńesshisi Nına Lýkánenko jalǵa beriletin turǵyn úı baǵasy neden qalyptasatynyn aıtty.
«Naryqtyq ekonomıka suranys pen tólemge qabiletti usynystyń áserinen baǵany qalyptastyrýǵa múmkindik beredi. Jasyratyny joq, sońǵy aılarda jaldaý quny aıtarlyqtaı ósti, biraq bári umytyp ketetin taǵy bir ekonomıkalyq prosesti este ustaǵan jón. Ókinishke qaraı, bıyl 15% aıasynda ınflásıa dálizi jarıalandy. Bul baǵanyń barlyǵyna da ósetinin bildiredi, al jaldaý – naryqta usynylatyn qyzmet», - deıdi spıker.
Birikken rıeltorlar qaýymdastyǵynyń múshesi Orynbasar Sataev óz kezeginde, jalǵa alatyn páterlerge suranys joǵary ekenin atap ótti.
«Birinshiden, suranys bar. Sáıkesinshe baǵa da ósedi. Mysaly, Almatynyń Bostandyq, Almaly, Medeý aýdandarynynan páter jaldaǵysy keletinderdiń sany óte kóp. Sebebi, joǵary oqý oryndary osy atalǵan aýdandarda shoǵyrlanǵan. Jalpy, baǵanyń kóterilýi – álemdik tendesıa, tek bizdiń elde ǵana emes. Bul máseleni sheshý úshin jataqhanalar kóptep salynýy kerek. Baǵa tapshylyqtan kóterilip jatyr», - deıdi maman.