Enbek HR mobıldi qosymshasy ótken jyly jumyskerlerge hr.enbek.kz eńbek resýrstary portalynyń fýnksıonaldyǵyna qol jetkizýdi jeńildetý úshin iske qosyldy.
Qosymshany 56,6 myń paıdalanýshy júktep alǵan, dep habarlaıdy aqshamnews.kz
Búgingi tańda mobıldi qosymsha arqyly portaldyń birqatar qyzmetteri men servısteri qoljetimdi. Eńbek shartyna qol qoıý múmkindiginen basqa, qyzmetker jumys berýshilerdiń Eńbek sharttaryn esepke alýdyń biryńǵaı júıesinde tirkelgen óziniń eńbek sharttaryn qarap, odan jumys ornynan anyqtama ala alady nemese eńbek sharty boıynsha málimetterdi ózektendire alady (buzý, joıý, túzetý – rastaıtyn qujattardy tirkegen kezde).
Sondaı-aq, Eńbek sharttaryn esepke alýdyń biryńǵaı júıesinde tirkelgen eńbek sharttary negizinde qalyptastyrylǵan elektrondyq eńbek kitapshasyn júkteýge, áleýetti jumys berýshige jeke derektermen tanysýǵa kelisim berýge bolady («Qyzmetkerdiń jeke isi» servısinde).
Zıandy eńbek jaǵdaılarynda jumys isteıtin jumysker tikeleı mobıldi qosymshada arnaýly áleýmettik tólemge quqyǵynyń bar-joǵyn tekserip, onyń somasyn aldyn ala esepteı alady
Sonymen qatar Enbek HR mobıldi qosymshasynda qyzmetker onlaın rejıminde push-habarlamalar alady, bul eńbek sharttarymen júrgiziletin barlyq is-áreketter týraly habardar bolýǵa jáne jedel áreket etýge múmkindik beredi.
Enbek HR qosymshasy belsendi damyp keledi jáne jaqyn arada jańa fýnksıonaldar qol jetimdi bolady. Ony App Store jáne Google Play-dan júktep alýǵa bolady.