QR QK-niń 190-baby 3-bóligi boıynsha kúdikti retinde 35 jastaǵy E.esimdi azamat ustaldy.
«Atalǵan azamattyń jábirlenýshilerdi kólikterin zańdastyrýǵa kómektesemin dep aldap, aqsha alǵany anyqtaldy. Zardap shekkender arasynda naýqan kezinde, ıaǵnı 1 shildege deıin sheteldik kólikti zańdastyryp úlgermegender de bar. İsker azamat osy arqyly tabys tabýdy uıǵaryp, sengish azamattarǵa 1,4 mln teńgeden bastap 1,8 mln teńgege deıingi aqyǵa qujat rásimdeýdi usynǵan. Qazirgi ýaqytta 45 epızod tirkelgen. Osy derekter boıynsha kúdikti óz kinásin moıyndady. Ol qamaýǵa alyndy», – deıdi Áýezov aýdandyq polısıa basqarmasynyń bastyǵy Ulan Ábilqaıyr.
QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.