Ol úshin bank qosymshasynyń «Memlekettik qyzmetter» bólimin tańdap, «MÁMS» bólimshesine JSN engizý kerek.
MÁMS júıesindegi statýs pen tólemderdi bank qosymshalary arqyly tekserýge bolady, dep habarlaıdy Almaty-akshamy.kz
Medısınalyq qyzmetterdi paıdalanýshylar budan bylaı óz mártebesin Qazaqstan Halyq banki, SentrKredıt Banki jáne Kaspi Bank mobıldi qosymshalary arqyly teksere alady, dep málimdedi Medısınalyq saqtandyrý qorynyń Almaty qalalyq fılıaly.
Ótken 12 aıǵa jasalǵan tólemder men saqtandyrý mártebesi týraly málimetti Halyq bankiniń qosymshasy arqyly tekserýge bolady. Ol úshin Halyk mobıldi qosymshasyna tirkelip, «Memlekettik qyzmetter» bólimin tańdap, «MÁMS» bólimshesine JSN engizý kerek. Sonymen qatar, Halyk banktiń qosymshasy arqyly medısına uıymyna tirkeý týraly aqparatty da alýǵa bolady. Ol úshin «Memlekettik qyzmetter» bólimine kirip, «Anyqtamalar» batyrmasyn basý qajet. Tutynýshynyń turǵylyqty mekenjaıy, tirkelgen emhana ataýy jáne kúni kórinip turady.
Ótken 12 aıdyń tólemderi men mártebeni SentrKredıt Bankiniń qosymshasy arqyly da bilýge bolady (BCC.KZ mobıldi qosymshasyna tirkelip, «Memlekettik qyzmetter» bólimindegi «MÁMS týraly aqparat» bólimshesi, JSN).
Sondaı-aq, bul málimetter Kaspi.kz mobıldi qosymshasynda da qoljetimdi. Ol úshin «Memlekettik qyzmetter» bólimine kirip, ary qaraı «MÁMS mártebesi» batyrmasyn tańdaý kerek.
Eger sońǵy 12 aı ishinde jarna jasalmaı qalǵan aılar bolsa, bereshekti bank qosymshalary arqyly ótep, «Saqtandyrylǵan» statýsyna ıe bolýǵa bolady.
Esterińizge sala ketsek, bul aqparatty:
- Qoldau 24/7 mobıldi qosymshasy
- fms.kz resmı saıty
- Telegram-daǵy @SaqtandyrýBot
- 1414 baılanys ortalyǵy
- Damumed mobıldi qosymshasy
- Elektrondy úkimettiń egov.kz portaly arqyly da anyqtap bilýge bolady.