Astanadaǵy aýmaqtyq qorǵanys brıgadasy bólimshesiniń komandıri 3-synypty serjant Raýan Ábilhanov Astana – Kókshetaý – Astana baǵyty boıynsha ara qashyqtyǵy 600 shaqyrym bolatyn biregeı sporttyq synaqqa – sýpermarafonǵa daıyndalýda.
Bul bastamasyn ol ulttyq mereke — Respýblıka kúnine arnap, júgirýdi 25 qyrkúıekte bastaýdy josparlap otyr. Áskerı qyzmetshi osy maqsaty arqyly qazaqstandyq últramarafondardyń barlyq aldyńǵy rekordtaryn jańartpaq, - dep habarlaıdy Aqshamnews.kz.
Raýan Ábilhanovtyń bastamasy Qazaqstan Respýblıkasy Qarýly kúshteri men Astana qalasy ákimdiginiń áskerı qyzmetshileri tarapynan qoldaý tapty.
Serjant Ábilhanovtyń júgirýde rekord jasaýdan tájirıbesi bar. 2022 jyly ol Almaty oblysyndaǵy «Álı» oqý-jattyǵý ortalyǵynan Shelek aýyly baǵyty boıynsha 48 saǵat ishinde 350 shaqyrymdy júrgirip ótip, Qazaqstannyń rekordtar kitabyna endi.
42 jastaǵy sportshy 15 jyldan astam jeńil atletıkamen aınalysady. Almatyda jáne áskerı qyzmetshiler arasynda marafondardyń birneshe dúrkin jeńimpazy. Aldaǵy marafonnan ózge onyń josparynda 10 kúnde 1000 shaqyrym júgirý – jańa jobasy da bar.