Bul týraly QR Bas prokýratýrasy málimdedi.
Bas prokýratýra eldegi 1 myńnan astam jáne sheteldegi 150-den astam múlik obektileri týraly málimetterdi taldaýda, dep habarlaıdy Almaty-akshamy.kz
Taldaýmen taǵy 600 mlrd teńgeniń baǵaly qaǵazdary qamtylǵan. Elimizde 200-den astam jáne shetelde 140 bank shottary anyqtaldy. 2 trln teńgege jýyq kúdikti tranzaksıalar tekserilýde.
Osy jumystyń nátıjesinde Premer-Mınıstrdiń basshylyǵymen Komısıa 325 mlrd teńgeden astam somaǵa aktıvterdi memleketke qaıtarý týraly kelisimder men talap qoıýlardy maquldady, onyń ishinde 272 mlrd teńge teńgerimindegi aqshalaı qarajat. Olar mańyzdy áleýmettik jáne ekonomıkalyq jobalardy júzege asyrýǵa baǵyttalatyn bolady.
Sondaı-aq elimizdegi jáne sheteldegi quny 50 mlrd teńgeden asatyn aktıvter memleketke berildi. Olardyń ishinde birqatar strategıalyq ken oryndary, monopolısik kompanıalar, ondaǵan myń gektar jer, sondaı-aq óndiris obektileri, qonaq úıler, bıznes ortalyqtary, vıllalar, páterler, sándi kólikter, zergerlik buıymdar jáne taǵy basqalar.
Budan basqa, Tizilimniń keıbir sýbektileri óz erkimen jalpy quny 30 mlrd teńgeni quraıtyn joǵary tehnologıalyq ınvestjobalardy júzege asyrýǵa mindetteme aldy. Olardyń ishinde qubyrlar, qaptamalar, hımıalyq, azyq-túlik jáne t.b. ónimderdi shyǵaratyn óndiris obektileri. Osylaısha, keminde 300 jańa jumys ornyn qurý josparlanýda, jyldyq salyq tólemderi 1 mlrd teńgeden astam bolýy tıis.
"Aktıvterdi qaıtarý prosesiniń taǵy bir mańyzdy bóligi - áleýmettik jobalardy júzege asyrý. Máselen, Tizilimdegi tulǵalar óz erkimen qyzmetterin erekshe qajettilikteri bar adamdar jáne basqa da áleýmettik osal toptar tegin paıdalana alatyn, quny 5 mlrd teńgeden asatyn zamanaýı mádenı-aǵartý ortalyǵyn salynýǵa mindetteme aldy.", dedi Bas prokýratýranyń baspasóz qyzmeti.
Bas prokýratýranyń Aktıvterdi qaıtarý jónindegi komıtetiniń májbúrlep qaıtarý tetikterin iske asyrý sheńberinde kóptegen, onyń ishinde paıda bolýy túsiniksiz aktıvterge qatysty talap qoıyldy.
Olardyń biri boıynsha 11 mln AQSH dollarynan astam qarjyny, sondaı-aq 400 mln teńge somasyna zergerlik buıymdar men mádenı qundylyqtardy májbúrlep qaıtarý týraly sot sheshimi qabyldanyp, kúshine endi.
Jalpy, 2022 jyldan bastap ekonomıkany demonopolızasıalaý sharalaryn qosa alǵanda jalpy somasy shamamen 1,7 trln teńgeniń aktıvteri, onyń ishinde shetelden 750 mln AQSH dollary memleketke qaıtaryldy.
Bul baǵytta jumystar jalǵasýda.