2,5 mlrd teńgeni paıdalanýǵa tyıym salynyp otyr, dep habarlaıdy aqshamnews.kz
Jyl basynan beri 16 uıymdasqan qylmystyq toptyń qyzmeti toqtatyldy, onyń ishinde úsheýi – transulttyq. 16 top jetekshisi, 60 belsendi qatysýshy ustaldy.
Budan basqa, 170 esirtki nasıhaty men jarnama faktisi anyqtaldy. Polısıa men volonterler 25 myńnan astam graffıtı jazbalar men saıt siltemelerin boıap tastady.
"26 myń ınternet-resýrs buǵattaýǵa jiberildi. 35 myńnan astam banktik karta-shoty buǵattalyp, 2,5 mlrd teńgeni paıdalanýǵa tyıym salyndy. Bul rette sıfrlyq platformalarmen jáne basqa da İT-kompanıalarmen yntymaqtastyq jalǵasýda. Anonımdi paıdalanýshylar anyqtalyp jatyr. 750 adam ustaldy, onyń ishinde 32 – saıt admınıstratory", – dep málimdedi QR İİM Esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.