Almatyda aǵymdaǵy jyldyń 11 aıynda 203,9 shaqyrym sýmen jabdyqtaý jáne kanalızasıa jelileri salyndy.
Bul týraly Almaty qalasynyń ákimi E.Dosaev Memleket basshysynyń qatysýymen ótken Úkimettiń keńeıtilgen otyrysynda aıtty, dep habarlaıdy Almaty-akshamy.kz.
2023 jyly Qarǵaly ózeninde sý tartqysh qurylysy aıaqtalyp (50 myń adamdy qamtý), «Ermensaı» sý tartqyshynyń jobalaý-smetalyq qujattamasy túzetiledi, Aqsaı ózenindegi sý tartqyshtyń qurylysy jalǵasady (100 myń adam). Bul obektiler paıdalanýǵa berilgen kezde, qalanyń 170 myń turǵyny sapaly sýmen qamtamasyz etiledi. Budan basqa, shamamen 170 myń turǵyndy qamtı otyryp, 217 shaqyrym jańa sýmen jabdyqtaý jáne sý burý jelisi salynady.
"Sondaı-aq 540 myń tutynýshyny qamtıtyn 2 podstansıa: «Almagúl», «Tuzdybastaý» podstansıalary men elektr jelileriniń qurylysy aıaqtalady. 450 myń tutynýshyny jylýmen qamtamasyz etý maqsatynda 2023 jyly 2 qazandyqty: «Ońtústik aýdandyq qazandyǵy» men «Premera» qazandyǵyn rekonstrýksıalaý jumystary aıaqtalady. Bul rette, tozý deńgeıin tómendetý úshin jylý jelilerin rekonstrýksıalaý kólemi aldaǵy jyly 15 shaqyrymǵa deıin 3 ese ulǵaıady" - dedi E.Dosaev.
Injenerlik jelilerdiń tozýyn edáýir tómendetý úshin komýnaldyq qyzmetterdi kórsetý sapasyn jaqsartý maqsatynda 2023 jyldan bastap úsh jyldyń ishinde «Investısıalarǵa aıyrbastaý tarıfi» jańa tarıftik saıasaty kezeń-kezeńimen engiziledi.
"Barlyq óńirler úshin mańyzdy máselege toqtalǵym keledi. Búginde Almatyda jobalaý jáne qurylys kezinde jıi bolatyn qatelikterden ınjenerlik jelilerde júkteme artady. Qazaqstannyń Doing business-tegi reıtıńin jaqsartý sheńberinde 2016 jyldan bastap jobalardy kelisý kezeńi alynyp tastaldy, nátıjesinde ınjenerlik jeliler júıesinde teńgerimsizdik paıda boldy. Qazir bul tek Almaty qalasynyń ǵana emes, basqa óńirlerdiń de basty problemasyna aınalyp otyr" - dedi shahar basshysy..
Osy jaǵdaıdan shyǵý úshin ınjenerlik jelilerge qosylý boıynsha jobalyq sheshimderdi kelisý kezeńin qaıta bastaý usynylady.