Optıka ınfraqurylymy 90 paıyzǵa artady.
Aldaǵy bes jylda 5G tehnologıasymen Astana, Almaty jáne Shymkentti 75 paıyz qamtý josparlanǵan. Bul týraly Úkimet otyrysynda QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy Almaty-akshamy.kz inbusiness.kz silteme jasap.
"Jańa sıfrlyq múmkindikter baǵyty boıynsha barlyq qalalar men aýdan ortalyqtarynda keń jolaqty Internetti qamtamasyz etý josparlanǵan. Búgingi uıaly baılanys boıynsha jaǵdaıǵa kóz salsaq, 3G tehnologıasy boıynsha 3 myńnan astam eldi meken, 4G - 1 628 eldi meken qamtylǵan, al 5G múldem joq. Mys kabelimen ótkizilgen symdy baılanys 34 paıyzdy, al optıka 26 paıyzdy qurap otyr. Álemde mys kabeli men 3G tehnologıasynyń eskirýin nazarǵa alyp, 2027 jylǵa deıin olardy túpkilikti aýystyramyz. Sondaı-aq, mobıldik 4G tehnologıany 100 paıyzǵa jetkizip, al optıka ınfraqurylymyn 90 paıyzǵa arttyramyz", – dedi mınıstr.
Onyń aıtýynsha, 2027 jylǵa deıin 5G tehnologıasymen Astana, Almaty jáne Shymkentti 75 paıyz qamtý, al oblys ortalyqtaryn 60 paıyz qamtý josparlanǵan.
"2027 jylǵa deıin joldar 100 paıyzy ınternet jáne uıaly baılanyspen qamtylady", - dedi Baǵdat Mýsın.