Almaty qalasynda sý qubyry jelilerin jáne sý nysandaryn qaıta qurý jumystary jalǵasyp jatyr.
Bul jumystar sý qubyry júıesiniń senimdiligi men turaqtylyǵyn arttyrýǵa baǵyttalǵan. Osy jumystar aıasynda «Almaty Sý» MKK tehnologıalyq jabdyqtardy aýystyrýdy jáne jańa ınjenerlik jelilerdi iske qosýdy júrgizip jatyr.
2025 jylǵy 27 tamyzda saǵat 09:00-den 17:00-ge deıin jańa sý qubyryn jelige qosý jumystary barysynda sýyq sýdyń berilýi ýaqytsha toqtatylady. Shekteý Bostandyq aýdanyndaǵy kelesi kóshe sheńberinde ornalasqan turǵyn úıler men ákimshilik ǵımarattarǵa qatysty: Tımırázev kóshesi – Sypataev kóshesi – Áýezov kóshesi – Abaı dańǵyly, «Atakent» QİYO aýmaǵy.
Jumystar júrgizilgen kezeńde Áýezov kóshesi boıynda sý qysymynyń tómendeýi kútiledi.
28 tamyzda saǵat 09:00-den 20:00-ge deıin jańa súzgi stansıasyn salý aıasynda tehnologıalyq jumystar júrgiziledi. Osy kezeńde ýaqytsha sý berý: Aqjar shaǵynaýdany (Aqsaı súzgi stansıasynyń yqpal etý aımaǵy), Tastybulaq, Taýjoly shaǵyn aýdandarynda toqtatylady.
«Almaty Sý» MKK keltirilgen ýaqytsha qolaısyzdyqtar úshin keshirim suraıdy jáne tehnıkalyq jumystardy júrgizý qajettiligine baılanysty engizilgen shekteýlerge túsinistikpen qaraýdy ótinedi.