Almaty qalalyq qan ortalyǵynyń (QQO) dırektory Jandos Nadırov Óńirlik komýnıkasıalar qyzmetiniń brıfıńinde qan qyzmetiniń 2024 jylǵy jumys qorytyndysy týraly aıtty.
QQO elimizdegi donasıalar sany boıynsha Astana qalasyndaǵy Transfýzıologıa ǵylymı-óndiristik ortalyǵynan (ǴÓO) jáne Shymkenttegi QQO-nan keıingi úshinshi orynda, dep habarlaıdy aqshamnews.kz.
Bir jyl ishinde 19788 qan donasıasy júrgizildi, 15659 lıtr donorlyq qan daıyndaldy jáne 38607 doza qan komponentteri berildi.
Spıkerdiń málimetinshe, qan komponentterin bir jylda 8665 pasıent alǵan, al transfýzıalardyń jalpy sany 37347-ni quraǵan.
Nadırovtyń aıtýynsha, jumystyń mańyzdy bóligi jyljymaly konteınerlermen baryp qan tapsyrý boldy, olar jalpy sannyń 38,1%-in qurady. Mundaı is-sharalar áskerı bólimderde, jeke jáne memlekettik uıymdarda, sonyń ishinde Halyq laıfte, Iandekste jáne basqa da oryndarda ótkiziledi.
«Jyljymaly qan tapsyrý saparlary týraly BAQ-ta jarıalanyp, áleýmettik jelilerde belsendi túrde habarlanady. Biz donorlyqqa adamdardy kóptep tartýǵa tyrysamyz, óıtkeni árbir qan tapsyrýshy úsh adamnyń ómirin saqtap qalýy múmkin», - dep atap ótti QQO dırektory.
Onyń derekteri boıynsha donorlardyń negizin Almaty turǵyndary quraıdy -70%, al 30%-y oblystan keledi. Donorlardyń jartysy - 18 ben 35 jas aralyǵyndaǵy jastar.
«Donorlyq – bul muqtaj adamdarǵa kómektesý ǵana emes, sonymen qatar densaýlyqty qalypta ustaý tásili. Biz jylyna kem degende bir ret qan tapsyrýdy usynamyz», - dedi ol.
Nadırov Qalalyq qan ortalyǵy donorlyq mádenıetti damytýdy jalǵastyra otyryp, qala jáne oblys turǵyndarynyń densaýlyǵy men ómirin saqtap qalýǵa úles qosatynyn aıtty.