Salyqtyq ákimshilik tolyq qaıta jańarýy tıis.
2023 jyly Qazaqstanda jańa Salyq kodeksi ázirlenedi. Bul týraly búgin QR Parlamenti palatalarynyń birlesken otyrysynda Joldaýyn jarıalaǵan QR Prezıdenti Qasym-Jomart Toqaev málim etti, dep habarlaıdy Almaty-akshamy.kz QazAqparatqa silteme jasap.
«Úshinshiden, ornyqty ekonomıkalyq ósim - túsinikti, boljamdy salyq saıasatyna tikeleı táýeldi. Fıskaldy retteýdi qaıta júrgizý maqsatynda 2023 jyly jańa Salyq kodeksi ázirlenedi. Onyń aýqymdy bóligi – salyqtyq ákimshilik tolyq qaıta jańarýy tıis», - dedi Prezıdent.
Sonymen qatar, Memleket basshysy salyqtyq baqylaýǵa kez kelgen syrttaı árekettestikterdi tyıý qajettigin atap ótip, osy baǵyttyń tolyq sıfrlandyrýyn qamtamasyz etý kerektigin aıtty.