Densaýlyq saqtaý salasynda 247 myń medısına qyzmetkeriniń jalaqysy artty
2022 jyly dárigerlerdiń jalaqysyn kóterýge 361 mlrd teńge qarjy bólinedi. Bul jaıynda QR Premer-Mınıstriniń orynbasary Eraly Toǵjanovtyń Májilis depýtattary saýalyna bergen jaýabynda aıtylǵan, dep habarlaıdy Almaty-akshamy.kz QazAqparatqa silteme jasap.
«Memleket basshysynyń Qazaqstan halqyna arnalǵan Joldaýyn júzege asyrý aıasynda 2020-2025 jyldary medısına qyzmetkerleriniń jalaqysyn kezeń-kezeńmen kóterý josparlanǵan», - delingen Úkimet basshysy orynbasarynyń jaýabynda. Vıse-premer jaýabyna anyqtama retinde usynylǵan derekterge sáıkes, 2021 jyldyń 1 qańtarynan densaýlyq saqtaý salasynda 247 myń medısına qyzmetkeriniń jalaqysy artty. Atap aıtqanda, dárigerlerdiń jalaqysy 30 paıyzǵa (246,1 myńnan 319,9 myń teńgege) orta medısına qyzmetkerleriniń jalaqysy 20 paıyzǵa (144,6 mńnan 173,5 myń teńgege) ulǵaıdy. «2023 jylǵa qaraı medısına qyzmetkerleriniń jalaqysyn ekonomıkadaǵy ortasha jalaqyǵa qatysty 2,5 esege deıin arttyrý josparlanǵan», - dedi ol.
Anyqtamalyq derekterge qaraǵanda, bul maqsatqa 2021 jylǵa – 222,3 mlrd teńge, 2022 jylǵa – 361,7 mlrd teńge, 2023 jyly 557,4 mlrd teńge kózdelgen.