(12 shoqjuldyz: juldyz-joramal)
Jalpy, 2022 jyl taǵdyrdyń kútpegen jańalyqtaryna toly, tyń, erekshe belsendi jyl bolady. Keıbir derekterde Barys jyly 1 qańtarda emes, 1 aqpanda bastalyp, 2023 jyldyń 21 qańtaryna deıin jalǵasady degen joramal bar. Jyldyń eki sımvoly bolady: aǵash - turaqty bolýǵa kómektesse, sý – sezimtaldyq, ıkemdilik pen shyǵarmashylyq damýǵa yqpal etedi.
Jyrtqysh ań serpini adamdar boıynda optımızm men maqsatqa jetýge degen kúsh-jigerdi oıatyp, armandarǵa tezirek jetýge kómektesedi. Aldyńǵy Sıyr jylymen salystyrǵanda anaǵurlym belsendilikti baıqaısyz. Barys kóptegen ózgerister ákelmek. Kóbisi qatelikterge boı aldyrady. Barys sizderdiń joldaryńyzdy ádeıi ýaqytsha bógep, myqty bolýǵa ıtermeleıtin jaǵdaılar týyndatady. Qysqasha aıtqanda, barys súıe alatyndardy emes, maqsattaryna jetýge daıyn adamdardy qoldap-qolpashtaıdy. Soǵan qaramastan, Barys – senimdi ári adal haıýan. Sondyqtan 2022 jyldan úı ishinde jylylyq, turaqtylyq, túsinistik pen mahabbat kútýge bolady.
Basynda Toqtylarǵa 2021 jylǵy keleńsizdikterden arylý qıyndaý bolýy múmkin. Ary qaraı jyljý úshin atalǵan máselelerge qajetti ýaqyt bólý mańyzdy. Paıda tabý jaǵy basty nazarda bolmaq. Sondyqtan jumys ornyńyzda tapjylmaı eńbek etý kerek nemese jańa jumys izdeý qajet. Qalaǵan dúnıeńizdiń barlyǵyn satyp ala alasyz, alaıda qarajattyń «qubylmalylyǵyna» daıyn bolyńyz.
Toqtylardyń jeke ómirinde ózgerister kútilýde. Siz sátti turmys qura/úılene alasyz nemese jańa mahabbat jyryn bastaısyz. Eger siz jalǵyz bolmasańyz, ekinshi syńaryńyz jańa laýazymǵa taǵaıyndalýy múmkin. Onyń otbasylyq búdjetke oń áseri bolady.
Tabıǵatynan qyzba minezdi Toqtylarǵa bárin aqylmen sheshýge úırený kerek. Urys-keriske boı aldyrmańyz. Odan bólek, bıyl Toqty jalqaýlyq nemese alǵa jyljý qarqynyn báseńdetýdi múldem oılamaýy tıis. Eger josparǵa sáıkes júrseńiz, bári oıdaǵydaı bolady. 2022 jyl sizdiń jaqsy qyrynan ashylýyńyzǵa jol ashady.
Densaýlyqqa keler bolsaq, Toqtyǵa áý bastan qamdana túsken durys. Zıandy kózqarastardan arylýǵa, emosıalaryńyzdy baqylaýda ustaýǵa jáne júıke júıeńizdi sharshatpaýǵa tyrysyńyz.
Torpaqtar úshin 2022 jyl turaqtylyǵymen sıpattalady. Bastapqy aılar detoks pen tazarý ýaqyty bolmaq. Sanany shyrmalaǵan kóptegen oılar men ıdeıalardy qoıa turyp, ózińizge kóńil bólińiz. Kúsh-jigerińizdi jınaqtaýdyń taptyrmas joly. Osyǵan deıin kútinbeı, ýshyqtyryp alǵan sozylma aýrýlarǵa ýaqyt bóletin kez keldi. Shuǵyl istermen júgiremin dep, jaýapkershilik jaıly umytpańyz.
Aqsha jaǵynan Barys jyly kishkene qıyndaý bolmaq. Jyldyń birinshi jartysynda jumysta keleńsizdikter men qaltańyz kótermeıtin shyǵyndar bolýy múmkin. Qyzmet aıasyn ózgertýge deıin barýyńyz múmkin. Bul talpynysyńyz sizdiń jumys qabiletińiz ben yntańyzǵa tikeleı baılanysty. Ózińdi damytýǵa umtylys pen bilim alý – sizdiń basty mindetińiz bolady.
Mahabbat aıasynda kemeńiz kedergilerge tap bolmaıdy. Birinshi jartyjyldyq ǵashyǵyńyzdy izdep tabýǵa taptyrmaıtyn ýaqyt.
Kez kelgen jaǵdaıǵa ıkemdele alǵan Egizderge bıylǵy jyl shýaǵyn molynan shashpaq. Keıde mańyzdy sheshimder qabyldaý barysynda tez ári jyldam, tipti, táýekelge salyp áreket etý kerek bolady. Barys jylynda jumystaryńyzdy keıinge qaldyrmańyz. Egizder týyndaǵan qıyndyqtarǵa neǵurlym tez kóńil bólse, soǵurlym tez olar sheshimin tabady.
Mahabbat máselesinde Egizderdiń kútpegen oqıǵa jelisi týyndaýy múmkin. Sezim men emosıaǵa kelgende ózińizge erik berińiz.
Densaýlyqqa bıyl muqıat qaraǵan jón. Egizder jyl basynda jaraqat alýy múmkin. Profılaktıkalyq tekserýden ótý artyq etpeıdi, sozylmaly aýrýlarǵa da nazar aýdaryńyz.
Egizderde qarjy salasynda naǵyz tóńkeris oryn alady, sondyqtan utylmas úshin óz múmkindikterińizdiń sheginde, bar ynta-jigerińizdi salýǵa týra keledi.
Jyl basynda Shaıandardyń úı ishindegi jaǵdaıǵa kóńili tolmaýy múmkin. Sonyń saldarynan urys-keris oryn alyp, tipti, juptaryńyz jazylýy múmkin. Alaıda, emosıaǵa berilmeı, logıkany basshylyqqa alý kerek. Kúzge qaraı mahabbat máseleleri ońala túsýi tıis. Jalǵyzbasty Shaıandar ózderine saı jandy kezdestire alady.
Densaýlyq jaıly aıtar bolsaq, tumaýǵa ońaı boı beretinderge abaı bolý kerek. Vırýstar kezeńine saqadaı daıyn bolý úshin, kútinýdi jyly kezden bastańyz. Jyl sońynda Shaıan ózin fızıkalyq turǵydan bolsyn, moraldyq jaǵynan bolsyn jaqsy sezinetin bolady. Degenmen, ózińizge qamqor bolýdy umytpańyz.
Qarajat jaǵyna kelgende, Shaıandarǵa tıanaqty bolý kerek. Barys jyly siz ózińizdi jumysta barystaı sezinetin bolasyz. Bolashaqta eńbegińizdiń aqshalaı jemisin kórý úshin jumys babymen kóp júgirip, biraz kúsh jumsaý kerek. Eńbegińiz esh ketpeıdi!
Oǵan qosa, Shaıandarǵa ózin-ózi baǵalaýdyń jolyn tabý kerek bolady. Kóńil kúıińiz ben is-áreketterińizdi baqylaýda ustaý – basty qolǵanatyńyz. Janyńyzdaǵylardyń ashyq arańdatýshylyq áreketterine boı bermeńiz. Ómirdi kúrt ózgertý, uzaqqa jol tartý, qajetti daıyndyqsyz mamandyq aýystyrý barystyń ashýyna tıýi múmkin. Birqalypty ómir súrseńiz, bıylǵy jyl ońynan bolmaq.
2022 jyl Arystandar úshin bar jaǵynan belsendi bolmaq. Tanystar aıasy keńeıip, jeke ómirińizde jaǵymdy jańalyqtar oryn alýy múmkin. Ózińizge tán qasıetterden – belsendilik, jan-jaqtylyq, súıispenshilikten arylmańyz. Ózińizdiń egońyzǵa sátti mámile men jaqsy qarym-qatynastardy qurtýǵa jol bermeńiz.
Otbasyly Arystandardan ómirlik serikteri kóńil bólýlerin kútedi. Oǵan biraz kúsh kerek, sol sebepti úı ishinde urys-keris bolýy múmkin. Alaıda, tákapparlyqqa salynbaı, kerisinshe serigińizdiń ómirińizde alar ornyn túsindirýden jalyqpańyz.
Barys jyly Arystandardyń qarjylaı jaǵdaıyn alańdatýy múmkin. Juldyzdar ımpúlsıvti jáne iri satyp alýlardan saq bolýǵa keńes beredi. Maqsaty anyq jandarǵa jumysta mansaby nemese jalaqysy ósýi kútilýde. Alaıda, ózge qyzmetke aýysqanda álińizdi eskerińiz.
Ýaqytyly demalýdy da umytpańyz. Arystan ózin-ózi kútpese, densaýlyǵy syr berýi ábden múmkin. Moraldyq kúıreýge jol bermeńiz, áıtpese tez sharshap, Arystan tizginin jiberip alǵandaı sezimde qalady.
Bıkeshterdiń 2022 jyly aıy ońynan týyp, sátti kezeńdi bastan keshedi. Jalqaýlyqty umytyp, ózińdi de, ózgeni de aldamaý kerek. Barys jyly Bıkeshterdi mahabbat óz qaramaǵyna almaq. Bálkim, sizge batylyraq bolyp, buǵan deıin barmaǵan áreketke jol berý kerek shyǵar. Jalǵyzsyraǵan Bıkeshterdiń jeke ómiri jaqsy jaqqa bet alýǵa tıis. Otbasyly Bıkeshterdi janjalǵa ákeletin oqıǵalar legi kútýde. Sizge de, syńaryńyzǵa da qarym-qatynastaǵy rólderińizdi anyqtap alǵan jón.
Bıkeshterdiń densaýlyǵy bıyl syr bermeýi kerek. Alaıda, ýaqytyly demalysty esten shyǵarmaǵan jón. Barys jeke ómirde, oshaq qasyndaǵy kómek úshin sybaǵasyn kútedi. Sondyqtan energıańyzdy únemdep, ózińizdi tonýsta ustaǵanyńyz durys. Súıikti isińizge de ýaqyt bólýdi esten shyǵarmańyz.
Aqsha, qarjy jaǵyn aıtar bolsaq, kútpegen usynystar da, táýekelge toly áreketter de jetkilikti bolady. Mundaıda salqynqandylyq tanytyp, ońaı aqsha tabýǵa senim artpaı, táýekelge barǵanda da múmkin bolar shyǵynnyń mólsheri az bolýǵa tıis.
2022 jyl Tarazylarǵa ómirin jaqsy jaqqa ózgertýge qolushyn sozady. Oń ózgerister tezirek kelsin deseńiz, ıogamen aınalysyp, pozıtıvti oılańyz. Sizdi tek joǵaryǵa jeteleıtin jandardy tabýǵa tyrysyńyz.
Jalǵyzbasty Tarazylardyń kópten kútken qosaqtaryn tabýda joly bolýy múmkin. Alaıda, siz ózińiz bastamashylyq etýińiz tıis.
Tarazylarǵa densaýlyǵyn birqalypta ustaý qıyn soqpaıdy, alaıda jan-dúnıeńizdiń jaǵdaıyna kóńil aýdarǵan jón. Tumaýdan bas kótermeseńiz, jazǵy demalysty teńiz jaǵasynda ótkizýdi josparlaǵan durys. Júrek qan-tamyr aýrýlarymen aýyratyndarǵa ýaıymǵa salynbaı, tózimdilikti qorǵaýy kerek. Kerek deseńiz, jumystan, qosymsha qarjydan bas tartýǵa týra kelýi múmkin.
Buǵan deıin «qarjy» qazyǵyn qaǵyp úlgergenderdiń jaǵdaıy jaqsy bolmaq. Bıylǵy jyl óziniń sheshimderine senimdi, qarsylastarynan qoryqpaıtyn ójetter úshin jeńiske toly jyl bolmaq.
Saryshaıandarǵa jyl basynda serpilis jasaý úshin úı ishindegi jylylyq otyn tutatý kerek. Juldyzdyń belsendi ómirlik ustanymy bolashaq serikterdiń nazarynan tys qalmaıdy, alaıda qarym-qatynas ornaǵanymen, uzaqqa barmaıdy. Bala-shaǵasy bar Saryshaıandarǵa barys synaq daıyndady. Jeke qarym-qatynas tyǵyryqqa tirelgendeı kórinip, janjal da bolýy múmkin. Degenmen, Barys sizge, jaqyndaryńyzǵa óz sezimin qabyldaýǵa kómegin tıgizedi. Qıyndyqtarǵa qaramastan, eń bastysy, birge bolý, qoldaý kórsetý. Barys satqyndar men zınaqorlardy jaqtyrmaıdy, ashýyna qalýyńyz yqtımal.
Denińizdiń saýlyǵyna basa nazar aýdaryńyz. Jyl shıeleniske toly bolǵandyqtan, demalys jetispeı qalýy múmkin. Aǵzańyzǵa jańa dem berýdi umytpańyz, áıtpese belsendilik fızıkalyq, moraldyq turǵydan sharshatyp jiberedi.
Saryshaıandar bıyl qarjy salasynda bıik shyńdardy baǵyndyrady. Eń bastysy, sarańdyq tanytpańyz. Aldymen táýekeldi baǵalap alyp, sheshim qabyldaǵan durys. Belsendi Saryshaıandardy mansap satysynda joǵarylaý kútedi. Baıyptylyqpen qarańyz! Qaltańyzǵa qaraı ómir súrińiz, aqshańyz jetpeıtin dúnıeni alýda saq bolyńyz. Asa belsendilik kerisinshe nátıje berýi múmkin. Ony da eskergenińiz jón.
Jalǵyzbasty Mergender qyzyqty jandardy kezdestirýi múmkin. Alaıda, sizdiń maqsatyńyz otbasy qurý bolsa, mańyzdy qadam aldynda serigińizdi muqıat tańdaǵan durys.
Denińizdiń saýlyǵyna muqıat bolyńyz, ásirese, demalyssyz jumys isteseńiz. Sozylmaly aýrýlary bar Mergenderge emdelýdi keıinge qaldyrmaýǵa keńes beremiz. Sharshaǵandy basý úshin tynys alý gımnastıkasymen aınalysý artyq etpeıdi.
2022 jyly mańsap pen qarjy salasy qalaı bolary anyq emes. Eger Mergender kez kelgen jaǵdaıdy durys baǵalap, ózi úshin qorytyndy shyǵara alsa jeńiske ońaı jetedi. Juldyzjoramal «on ret ólshep, bir ret kesýge» keńes berdi. Artta qalyp qalmaý úshin básekelesterińizden kóz jazbańyz, biraq asyǵystyqqa salynbańyz. Ymyraǵa kelseńiz, alysqa barasyz. Sáttilik te serigińizge aınalady. Eń bastysy, bárine daıyn bolyńyz!
Taýeshkiler úshin jyl basy jaǵymdy bolady. Barys bolashaqtyń perdesin ashyp, sizge kópten beri alańdatyp júrgen suraqtardyń jaýabyn habarlaıdy. Taýeshkiler tosyn dúnıeden alshaq bolǵanymen, bıyl ótkendi artta qaldyryp, ómirińizdi ózgertýden qoryqpańyz.
Mahabbat álemindegi ózgeristerdi anyq boljaýǵa kelmeıdi. Eger serigińizben qarym-qatynasyńyz qıyndap ketse, aıyrylysyp ketýlerińiz ábden múmkin, bul sheshim janyńyzǵa qatty batary sózsiz. Biraq keıin Taýeshki ózin alǵa jeteleıtin bostandyq sezimine ıe bolady.
Densaýlyqqa keler bolsaq, keıbir jandarǵa tynys alý organdaryna nazar aýdarǵan durys. 2022 jyl jumystaǵy qarbalaspen sıpattalǵanymen, jan men tánińizdiń saýlyǵy úshin sport nemese saýyqtyrý amaldaryna ýaqyt bólýge týra keledi.
Qarjy salasynda Taýeshkilerge biraz ter tógý kerek. Aqsha aspannan túsedi degenge senýdiń qajeti joq, tek adal eńbek qana qarjylaı jetistikter men mansaptaǵy oń ózgeristerge jetkizedi.
Sýquıǵyshtar úshin bıylǵy jyl qaı jaǵynan bolmasyn jaqsy jańalyqtarǵa toly bolmaq. Qalaǵanyńyzǵa tezirek qol jetkizý úshin armandaryńyzdy tizip jazyp, boıǵa erik bergen jón. Jańa synaqtardan qoryqpańyz, sizdiń ýaqytyńyz kelgenin umytpańyz.
2022 jyly Sýquıǵyshtar jańa áser izdep, qarym-qatynasqa túsýge yntaly bolady. Alaıda, serikterdi aýystyramyn dep jaqyn adamyńyzdyń seniminen aıyrylyp qalýyńyz múmkin. Otbasyly Sýquıǵyshtar úı ishinde túsinisbeýshilikterge tap bolýy yqtımal. Ómirlik serigińizge kiná artýdyń ornyna óz jolyńyzdy qaıta qarap, birge ary qaraı ómir jolyn jalǵastyrýǵa bolaryn/bolmasyn anyqtaǵan jón.
Sýquıǵyshtardyń jaǵdaıy ómirdiń tynysh yrǵaǵyna saı jaqsy bolmaq. Degenmen, kóp kúsh jumsaýdyń qajeti joq, odan da bolashaqqa qamdanǵan durys. Sportpen aınalysyp, janyńyzǵa tynyshtyq syılaıtyn medıtasıaǵa den qoıǵan, tamaqtaný saltyn jaqsartyp, zıandy ádetterden arylǵan abzal. Mańsabyńyzdyń dárejesin kóteremin dep júgirgenshe ózińizdi jetildirip, jańa qyzmetke daıyndyǵyńyzdy shyńdaýǵa keńes beriledi.
Qarjy áleminde turaqtylyqty kútýdiń qajeti joq. Buǵan deıin ınvestısıa salyp úlgergender endi ǵana jemisin kóredi. Qyzmetińizdi joǵarylatýdy suraǵanda abaı bolyńyz, jalaqyńyzdy kóterý týraly ótinishińiz nátıjeli bolady. Jalpy, Sýquıǵyshtarǵa qarjylyq turaqtylyqqa den qoıý kerek.
Balyqtar úshin 2022 jyl ózgeristermen, qonys aýdarýmen erekshelenetin bolady. Jańa jumys nemese páter – sizdi bıikke bastaıtyn alǵashqy qadam. Paıda ákeletin, júregińizge jaqyn isti izdep kórińiz. Jaz ýaqytynda artyq ýaıym-qaıǵydan aýlaq bolyńyz. Bárin jeńip shyǵatynyńyzǵa kúmándanbańyz. Balyqtar jyl boıy oqıǵanyń dál oshaǵynda júredi.
Jalǵyz júrgen Balyqtar jańa tanysýlar arqasynda ómirlik serigin taba alady. Bálkim, qasyńyzda uzaq ýaqyt júrgen tanysyńyz da sizge laıyqty bolýy múmkin. Al otbasy bar Balyqtarǵa bıylǵy jyl qıyndyq ákelýi yqtımal. Kóshbasshylyq pen sońǵy sózdiń salmaǵyna bola kıkiljinder týyndaıdy. Juldyzdar mámilege kelýge keńes beredi.
Eger kútinýdi umytpasa, Balyqtardyń densaýlyǵy 2022 jyly qanaǵattanarlyq bolady. Kúshińizdi saryp etpes úshin, ózińizdi qorǵaǵan durys: únemi demalý, aldyn ala dárigerler tekserýinen ótý.
Qarjylaı jetistikke jetý úshin jyl basynan Balyqtarǵa jumysqa den qoıǵan durys. Kezdeısoq oqylyqtardy da eskergen jón. Búdjetińizge saı emes bolsa, iri saýda jasaýdyń qajeti joq. Jigerli jandarǵa qyzmette kóterilý jaıynda oılaǵan jón. Olardyń kópten kútken qyzmetke taǵaıyndalýy ábden múmkin.
Ázirlegen Dınara MURAT