15 qarashada elimizdiń halyq sany 20 mıllıon bolýy tıis.
Osy boljamnyń aıtylǵanyna da biraz boldy.
Ulttyq statısıka búrosynyń málimeti boıynsha, Qazaqstan halqy jyldyń basynda 19 766 807 bolsa, qyrkúıekte 19 944 700 adam bolǵan, ıaǵnı 8 aıdaǵy ósim 177 893.
Sońǵy kezde aıtylyp, jazylyp júrgen boljamǵa qaraǵanda, 15 qarasha kúni Qazaqstannyń halyq sany 20 mıllıonǵa jetýi tıis.
Elimizdiń bas qalasy kóship barǵan adamdardyń esebinen halyq sany artqan qala sanalyp otyr.
Al Almatynyń óńirler arasynda halqy eń kóp qala ekenin budan buryn habarlaǵanbyz.
Beıresmı boljamshylar 20 mıllıonynshy qazaqstandyq Astananyń turǵyny bolýy ábden múmkin jáne ol teńgeniń týǵan kúnin kútpeı, Respýblıka kúni merekesinde ómirge keledi dep otyr.
Sonymen, álgi el statısıkasyn jańa sıfrmen jazǵyzatyn 20 mıllıonynshy qazaqstandyq baqytty sábı qaı qalada ómirge keledi dep oılaısyz?