Elimizdiń bir oblysynda da ǵana jaýyn-shashynsyz aýa raıy kútiledi
«Qazgıdromet» RMK-sy qarashanyń 18-i kúngi kún raıy boljamyn jarıalady, dep habarlaıdy Almaty-akshamy.kz QazAqparat saıtyna silteme jasap.
Soltústik batys sıklonyń yqpalymen Qazaqstannyń ońtústigi men shyǵysynda qar jaýyp, jel kúsheıedi, soltústikte, shyǵysta jaıaý burqasyn soǵyp, ońtústikte kóktaıǵaq, tuman bolady.
Tek Atyraý oblysynda kún jaýyn-shashynsyz bolady.
Túnde Túrkistan oblysynyń basym bóliginde jel 15-20 m/s jyldamdyqpen soǵyp, soltústiginde, batysynda, taýly, taý bókterindegi aýdandarda ekpini 23-28, taý shatqaldarynda 30 m/s jáne odan da joǵary bolady.
Kúndiz eldiń soltústiginde, taýly aýdandarda 15-20 m/s jaıaý burqasyn bolady, ońtústikte tuman túsedi. Shyǵys Qazaqstan oblysynda jel sekýndyna 15-20 metr, batys, soltústik jartysynda 23-28, keıde 30 m/s jáne odan joǵary jyldamdyqpen jel soǵyp, burqasyndatady, joldarda kóktaıǵaq bolady.
Qaraǵandy oblysynyń basym bóliginde burqasyn, kóktaıǵaq bolady, jel sekýndyna 15-20 metr jyldamdyqpen soǵady, túnde oblystyń shyǵysynda ekpini 23-28 m/s jel bolady.
Jambyl oblysynyń soltústiginde jáne taýly aýdandarynda tuman túsip, kóktaıǵaq, jaıaý burqasyn bolady, ońtústik-batysynda, soltústik-shyǵysynda jáne taýly aýdandarda jeldiń kúshi sekýndyna 15-20 mterge jetedi, túnde ekpini 23-28 m/s, túnde basym bóliginde, kúndiz ońtústikte, Pavlodar oblysynyń ortalyǵynda jeldiń kúshi 15-20 m/s bolyp jaıaý burqasyn soǵady.
Soltústik Qazaqstan oblysynyń soltústiginde, shyǵysynda burqasyn, túnde jáne tańerteń ońtústik batysynda tuman, túnde soltústiginde, shyǵysynda, kúndiz oblystyń basym bóliginde jeldiń jyldamdyǵy 15-20 m/s jetedi.
Qostanaı oblysynyń shyǵysynda, ońtústik-shyǵysynda jeldiń jyldamdyǵy 15-20 m/s, túnde jáne tańerteń jaıaý burqasyn bolady. Túnde Qyzylorda oblysynyń ortalyǵynda jel 15-20 m/s-qa deıin kúsheıedi.
Túnde Aqtóbe oblysynyń soltústiginde, ońtústik-shyǵysynda jaıaý burqasyn bolady, jel 18 m/s-qa deıin kúsheıedi. Túnde Batys Qazaqstan oblysynyń soltústik-shyǵysynda, shyǵysynda kóktaıǵaq, soltústiginde tuman túsedi.
Mańǵystaý oblysynyń batysy men soltústik shyǵysynda kóktaıǵaq, soltústiginde tuman túsedi. Atyraý oblysynyń soltústiginde tuman túsedi. Túnde jáne tańerteń Almaty oblysynyń shyǵysynda, taýly aýdandarynda tuman, kóktaıǵaq bolady, túnde jel 15-20 m/s jyldamdyqpen soǵady.