Bul týraly Almatynyń Óńirlik komýnıkasıalar qyzmetiniń brıfıńinde Almaty Onkologıalyq ortalyǵynyń onkogınekologıa bólimshesiniń meńgerýshisi Bolatbekova Raıhan habarlady.
Ashyq esik kúni 2025 jylǵy 18 qańtarda saǵat 9:00-den 13:00-ge deıin Almaty Onkologıalyq ortalyǵynda ótedi. Bul kúni áıelder onkogınekologtardan keńes ala alady, aldyn-alý múmkindikteri týraly bile alady jáne jatyr moıny patologıasyn erte anyqtaý úshin tekserýden ótedi, dep habarlaıdy aqshamnews.kz.
Uıymdastyrýshylar osy múmkindikti jatyr moıny obyry jáne onyń aldyn alý sharalary týraly habardarlyqty arttyrý úshin paıdalanýǵa shaqyrady. Bul aımaqtaǵy áıelderdiń densaýlyǵyn jaqsartýǵa jáne syrqattanýshylyqty azaıtýǵa baǵyttalǵan mańyzdy qadam, dep atap ótti Raıhan Ólmesqanqyzy.
Qańtar kóptegen elderde jatyr moıny obyry týraly habardar bolý aptalyǵyna arnalǵan. Qańtar aıynda osy bastama aıasynda onkologtar men gınekologtar aýrýdyń bastapqy jáne qaıtalama aldyn-alý sharalary, alǵashqy belgileri men emdeý tásilderi týraly aıtady.