85 myńnan astam adam áli deklarasıany tapsyrmaǵan
Jalpyǵa birdeı deklarasıalaý aıasynda salyq deklarasıasyn tapsyrý merziminiń aıaqtalýyna 3 kún qaldy, dep habarlaıdy Almaty-akshamy.kz.
Kiristeri men múlki týraly deklarasıa (270.00-nysan) 2022 jylǵy 15 qyrkúıekke deıingi merzimde elektrondy túrde turǵylyqty jeri boıynsha memlekettik kirister organyna usyný qajet.
Ony jaýapty memlekettik laýazymdy atqaratyn adamdar men olardyń jubaılary, memlekettik fýnksıalardy oryndaýǵa ýákilettilik berilgen adamdar men olardyń jubaılary jáne memlekettik fýnksıalardy oryndaýǵa ýákilettilik berilgen adamdarǵa teńestirilgen adamdar men olardyń jubaılary tapsyrýy tıis. Sonymen qatar «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsıalyq Zańyna jáne «Sybaılas jemqorlyqqa qarsy is-qımyl týraly», «Qazaqstan Respýblıkasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar naryǵy týraly» Qazaqstan Respýblıkasynyń zańdaryna sáıkes deklarasıany tabys etý mindeti júktelgen adamdar deklarasıa tapsyrý mindetti.
«2021 jyly jeke tulǵanyń aktıvteri men mindettemeleri týraly deklarasıasyn (250.00-nysan) usynǵan adamdar 2022 jyly kiristeri men múlki týraly deklarasıany (270.00-nysan) usynýy tıis. Bul mindetteme memlekettik qyzmetten bosatylǵan tulǵalarǵa jáne deklarasıa tapsyrýǵa mindetti azamattar sanatynan shyqqan tulǵalarǵa da qatysty», - delingen Qarjy mınıstrliginiń habarlamasynda.
Eger salyq deklarasıasy merziminde tabys etilmese, onda salyq organdary bár ret eskertý jasaıdy. Eskertý berilgennen keıin bir jyl ishinde jeke tulǵa tarapynan qaıtalap buzýshylyq oryn alsa, 15 aılyq eseptik kórsetkish mólsherinde aıyppul salynady.