Qorqytý arqyly aqsha bopsalaǵan er adam ustaldy
Áıel adamnan 12 mıllıon teńge aqsha bopsalaǵan er adam ustaldy, dep habarlaıdy Almaty-akshamy.kz Polisia.kz-ke silteme jasap.
Krımınaldyq polısıa qyzmetkerleriniń aıtýynsha, aqsha tabýdyń bul ádisin «Shańyraq» yqshamaýdanynyń turǵyny, 40 jastaǵy er adam qoldanǵan. Onyń buǵan deıin de bótenniń múlkin urlaǵany úshin qylmystyq jaýapkershilikke tartylǵany anyqtaldy.
«Polısıaǵa 23 jastaǵy N.esimdi qyz júgindi, ol anasynyń tanysy áleýmettik jelige ıntımdik sıpattaǵy sýretter men beınelerdi ornalastyramyn dep qorqytyp, bopsalaý arqyly 12 mıllıon teńge talap etip otyrǵanyn aıtty. Bul fakt QR QK-niń 194-baby 3-bólimi boıynsha sotqa deıingi tergeýdiń biryńǵaı tiziliminde tirkeldi. Jedel izdestirý is-sharalary barysynda kúdikti ustaldy jáne ýaqytsha ustaý ızolátoryna qamaldy. Ol bul zańsyz áreketteriniń nátıjesinde tanysynan suralǵan somanyń bir bóligin alǵandyǵyn moıyndady. Tergeý jalǵasýda», – dedi Almaty qalasy PD krımınaldyq polısıa basqarmasynyń bastyǵy Qýatbek Naýatov.