Almaty ákimi men Qytaıdyń Shandýn provınsıasy komýnıstik partıasynyń hatshysy seriktestik týraly kelisti, dep habarlaıdy Almaty-akshamy.kz
Almaty ákimi Erbolat Dosaev pen Shandýn provınsıasy Qytaı Komýnıstik partıasy partıa komıtetiniń hatshysy Lın Ý mashına jasaý, jańa tehnologıalar, saýda, týrızm men aýyl sharýashylyǵyn damytý salasyndaǵy ekijaqty yntymaqtastyqtyń perspektıvalaryn talqylady.
Lın Ý habarlaǵandaı, Shandýn men Almatynyń ortaq tustary kóp. 100 mıllıonnan astam halqy bar bul Qytaı provınsıasy ekonomıka kólemi boıynsha úshinshi orynda jáne QHR-da aıtarlyqtaı yqpalǵa ıe. Byltyr JÓÓ 8,74 trln ıýán nemese 1,3 trln. dollar, birinshi jartyjyldyqta JÓÓ 6,2% - ǵa ósti.
Shandýnda avtokólik shınalary óndirisi jolǵa qoıylǵan, jyl saıyn 200 mln danadan astamy shyǵarylady. Óńdeýshi ónerkásippen qatar sońǵy jyldary ınovasıalyq tehnologıalar salasy belsendi damyp keledi. Provınsıada aýyl sharýashylyǵy men týrızm de damyǵan (700-ge jýyq týrısik aımaq jáne 7 ulttyq qoryq bar). Lın Ý mashına jasaý, aýyl sharýashylyǵy, «Eýropa-Azıa» baǵytyndaǵy konteınerlik poıyzdardy qamtamasyz etý salasyndaǵy birlesken jobalardy iske asyrýǵa, sonymen qatar, Shandýn men Almaty arasyndaǵy jastardyń tájirıbe almasýyna qoldaý kórsetýge daıyn ekenin bildirdi.
Erbolat Dosaev atap ótkendeı, Qazaqstandy Qytaımen 1700 km-den astam ortaq shekara, sonymen birge, dostyq pen strategıalyq áriptestiktiń san ǵasyrlyq tarıhy baılanystyrady. Turaqty qarym-qatynastyń arqasynda Almaty qalasy men QHR arasyndaǵy taýar aınalymy bıylǵy 7 aıda 18,5%-ǵa artyp, 4,4 mlrd. AQSH dollaryna jetti. Búginde Almatyda Qytaı kapıtaly tartylǵan 1,5 myńnan astam birlesken kásiporyn jumys isteıdi (Qazaqstanda – 2 650). Byltyr Memleket basshysy qýattylyǵy 90 myń Changan, Chery, Haval qytaılyq brendterin shyǵaratyn zaýyttyń qurylysyn bastady. Kásiporyn 2025 jyly Almatynyń ındýstrıaldy aımaǵynda ashylady. Osylaısha, Almatyda avtomobıl klasteri qurylyp keledi.
Memleket basshysynyń Qazaqstan halqyna jyl saıynǵy Joldaýynda aıtylǵan jańa ekonomıkalyq saıasattyń bazalyq baǵyttarynyń ishinde óńdeýshi ónerkásipke basa nazar aýdaryp, ekonomıkany tereń ártaraptandyrý aıqyndaldy. Osyǵan baılanysty ınvestorlar úshin «Inovasıalyq tehnologıalar parki» arnaıy ekonomıkalyq aımaǵy tartymdy bolyp otyr, onda ınvestorlarǵa jeńildikter men artyqshylyqtar kózdelgen.
Buǵan qosa, qala basshysy Almatyda týrızmdi damytýdyń basymdyǵyn atap ótti. Jyl basynan beri týrıser sany 5 esege ósti, al Almatynyń SHYU-nyń mádenı astanasy bolyp jarıalanýyna baılanysty bul kórsetkish arta túsedi, sondyqtan qalada jańa týrısik ónimderdi ázirleý boıynsha belsendi jumys júrgizilip otyr.
Kezdesý qorytyndysy boıynsha taraptar ózara yntymaqtastyqty nyǵaıtý jáne saýda-ekonomıkalyq baılanystardy keńeıtý týraly kelisti.