Әдетте терроризм тақырыбындағы жалған ақпараттар қоғамда үрей туғызады. "Біреу айтты екен" деген сыбыс бүкіл халықты дүрліктіріп, салдары қауіптен де ауыр болуы мүмкін, - деп хабарлайды aqshamnews.kz тілшісі.
Фейк дегеніміз не?
Фейк — шындыққа жанаспайтын, әдейі немесе абайсыз таратылған жалған ақпарат. Фейктің қаупі неде?
-
Дүрбелең туғызады
Адамдар арасында қорқыныш пен сенімсіздік қалыптасады. Мектептер, балабақшалар босатылады, жұмыс тоқтап, қалалар қаңырап қалуы мүмкін. -
Қоғамды адастырады
Қауіптің нақты қайдан келгенін түсіну қиынға соғады. Бұл арнайы қызметтердің жұмысын да қиындатады — жалған ақпараттың артынан жүгіріп, шынайы қауіпке кеш жетуі мүмкін. -
Лаңкестерге көмектесіп жіберу қаупі бар
Иә, кей фейктер террористердің өздеріне тиімді болуы мүмкін. Себебі қоғам дүрлікті — демек, олар мақсатына жетті.
Фейкті қалай ажыратамыз?
-
Ресми дереккөзге сүйеніңіз: ІІМ, ТЖМ, қала әкімдігінің Telegram-арналары мен сайттарын тексеріңіз.
-
"Біреу айтты" дегенге сенбеңіз: Ақпараттың қайдан шыққанына мән беріңіз.
-
Сурет пен видеоны тексеріңіз: Кей контенттер бұрыннан бар, басқа елдегі оқиға болуы мүмкін.
Фейк таратқандарға қандай жауапкершілік артылады?
Қазақстан Республикасының заңнамасына сәйкес, жалған ақпарат тарату — қылмыстық жауапкершілікке әкеледі. ҚР Қылмыстық кодексінің 274-бабында бұл нақты көрсетілген:
"Көрінеу жалған ақпарат тарату" – айыппұл, қоғамдық жұмыс, тіпті 3 жылға дейін бас бостандығынан айыру жазасына себеп болуы мүмкін.
