Кейінгі кездері өсек-аяң айналасындағы әңгімелерде есімі жиі аталатын танымал әзілкеш Тұрсынбек Қабатовтың екінші әйелі делінген Айман көпшілікті елең еткізген мәлімдеме жасады, - деп хабарлайды Аqshamnews.kz тілшісі.
TikTok-та Тұрсынбектің алдағы концертіне дайындығын көрсететін видео жарияланып, онда Айманның кадр сыртындағы дауысы естілген. Осыдан кейін желі қолданушылары арасында қызу талқылау басталды.
Бұдан соң Айман тағы бір ролик бөлісіп, шаш үлгісін жасап жатқан жеке стилистін таныстырды. Сол видеода ол көпшіліктің қызығушылығын одан әрі күшейткен сөз айтты:
«Ал енді менің кадр сыртындағы дауысымды естідіңіздер. Дайын болыңыздар, мен де жақында сұхбат беретін боламын», – деді ол.
Еске салайық, бұған дейін Тұрсынбек Қабатовтың бұрынғы жары Мөлдір Мұқанова әзілкешпен ажырасқаны туралы ашық айтып, сұхбат берген еді.
