«Қазгидромет» РМК алдағы демалыс күндеріне арналған ауа райы болжамын ұсынды, деп хабарлайды Аqshamnews.kz тілшісі.
Синоптиктердің айтуынша, Қазақстанның басым бөлігінде алдағы күндері ауа райы құбылмалы болады. Атмосфералық фронттардың өтуіне байланысты жаңбыр мен қар түрінде жауын-шашын күтіледі.
Елдің солтүстік, шығыс және орталық өңірлерінде бұрқасын соғып, республика аумағында тұман түсіп, көктайғақ болуы мүмкін.
Мамандардың болжамынша, маусым соңына қарай Жаңа Жер аралдары ауданынан арктикалық антициклон еліміздің батысына жылжып келеді. Кейін ол республика арқылы өтіп, ауа температурасының айтарлықтай төмендеуіне әсер етеді.
8 желтоқсанда солтүстік-батыста 5–13 градус, солтүстікте 10–15 градус аяз күтіледі. Алдағы күндері суықтың одан әрі күшеюі болжанып отыр, делінген синоптиктер хабарламасында.
