Қызыл кітапқа енген сирек өсімдік – Алатау бәйшешегі биыл қыстың ортасында күтпеген жерден гүлдеді, деп хабарлайды Aqshamnews.kz.
Сирек кадрлар Іле-Алатау ұлттық паркінің Instagram-парақшасында жарияланған. Парк қызметкерлерінің айтуынша, әдетте бұл бәйшешек тәрізді алғашқы гүлдер наурыз–сәуір айларында ғана шығады. Алайда биылғы ерте жылынып, құбылмалы ауа райы өсімдіктің мезгілсіз гүлдеуіне әсер еткен.
"Іле Алатауы мемлекеттік ұлттық паркі сирек кездесетін бұл құбылысты бақылап отыр. Туристер мен табиғат сүйер қауымға ескерту: өсімдіктерді жұлмаңыз, таптамаңыз және олардың табиғи ортасын сақтаңыз", – деп табиғат жанашырлары ұлттық паркке келушілерге үндеу жолдады.
