Ғалым Генцбиттель: 30 жылдан кейін адамзатқа ақуыз екі есе көп қажет болады
Жер шарында 2050 жылға қарай халық саны 9 миллиардқа дейін артады, осынша көлемдегі адамды азықтандыру үшін ақуыз екі есе қажет болады, деп мәлімдеді Сколковский атындағы Ғылым жән технологиялар институтының профессоры Лоран Генцбиттель. Бұл туралы РИА-Новости сайтында жарияланды, деп хабарлайды Almaty-akshamy.kz тілшісі.
Ақуыздың жетіспеушілігі – бұл болашақтың проблемасы. Бұл мәселенің шешу үшін ғалымдар ізденіс үстінде. Олар ақуызды шыбын-шіркейлердің негізінде немесе өсімдіктердің өнімділігін арттыру арқылы алу үшін еңбектенуде.
«2050 жылға қарай адамзатқа ақуыз өндірісін екі есе өсіру қажет болады. Болжамдарға сәйкес, 2050 жылға қарай жер бетіндегі халық саны 9 миллиардқа жетеді және тамақ үшін ақуыз екі есе көп қажет болады», - деді Генцбиттель.
Ғалымның айтуынша, Еуропада адамдар бидай және жасымықты пайдалануы дәстүрге айналған. Бірақ басқа аймақтарда, мысалы, Оңтүстік Азия немесе Африкада адамдар негізінен күріш пен ноқат жейді. Ноқат – бұл елдерде ақуыздың негізгі көзі.