Қазақстанда шылым шегетіндер саны азайып келеді. Денсаулық сақтау министрлігінің мәліметінше, кейінгі жылдары бұл көрсеткіш 17,5%-ға төмендеген, деп хабарлайды Aqshamnews.kz тілшісі.
Бұл нәтижеге ұлттық заңнамадағы шаралар ықпал етті:
2009 жылы – қоғамдық орындарда темекі шегуге кезең-кезеңімен тыйым салу.
2011 жылы – жарнамаға толық тыйым, қораптарға графикалық ескертулер енгізу.
2014 жылы – акциздерді едәуір көтеру.
2020 жылы – темекіні ашық қоюға тыйым, сату жасын 21-ге көтеру, насыбай мен снюсқа тыйым.
2023-2026 жылдары – акциздерді кезең-кезеңімен ұлғайту.
2024 жылы – электрондық темекілер мен вейптердің айналымына толық тыйым.
Ұлттық статистика бюросының деректері бойынша, шылым шегу деңгейі 2020 жылғы 21,9%-дан 17,5%-ға дейін төмендеп, халық денсаулығын жақсартуға оң әсер етіп жатыр.
