Көркем сырғанаудан Қазақстан құрамасының көшбасшысы Михаил Шайдоров Гран-при финалына жолдама алды, деп хабарлайды Aqshamnews.kz тілшісі Қазақстанның Ұлттық олимпиада комитетіне сілтеме жасап.
22 қарашада Хельсинкиде (Финляндия) ерлер арасындағы Гран-при сериясының соңғы кезеңі өтті. Онда жапониялық Юма Кагияма жеңіске жетті.
Алты кезеңнің қорытындысы бойынша финалға өтетін спортшылар анықталды. Қазақстандық Михаил Шайдоров 24 ұпай жинап, бесінші нәтижемен шешуші сынға жолдама алды.
Финалға өткен спортшылар тізімі:
- Никита Малинин (АҚШ) – 30 ұпай
- Юма Кагияма (Жапония) – 30 ұпай
- Шун Сато (Жапония) – 28 ұпай
- Адам Сяо Хим Фа (Франция) – 26 ұпай
- Михаил Шайдоров (Қазақстан) – 24 ұпай
- Дэниэль Грассль (Италия) – 20 ұпай
Гран-при финалы 4–7 желтоқсан күндері Жапонияның Нагоя қаласында өтеді.