Қазақстандық аралас жекпе-жек шебері Асу Алмабаев Дохада (Катар) өткен UFC Fight Night 265 турнирінде кезекті жеңісіне қол жеткізді, деп хабарлайды Aqshamnews.kz тілшісі.
Жеңіл салмақта өнер көрсететін Алмабаев америкалық Алекс Переспен (25–9) октагонға шықты. Үш раундқа жоспарланған жекпе-жек шешуші сәтте қазақстандық спортшының қылқындыру әдісінен кейін аяқталды. Перес қауіпті әдістен құтыла алмай, берілгенін білдірді.
Бұл жеңіс Асу Алмабаевтың кәсіби ММА мансабындағы 23-жеңісі болды. Сонымен қатар ол UFC-дегі рекордын 6–1 көрсеткішіне дейін жақсартты.