Астанада алғашқы азиялық вокалдық жоба — Silk Way Star байқауының финалы өтті. Димаш Құдайберген жариялаған қорытындыға сәйкес, конкурстың жеңімпазы Моңғолиядан келген әнші Мишель Джозеф болды, деп хабарлайды Aqshamnews.kz тілшісі.
Мишель Джозеф — Моңғолияда кең танылған әнші әрі автор. Ол шығармашылығында ұлттық уртын ду дәстүрлі созылмалы ән айту мәнерін заманауи поп, R&B және фанк элементтерімен үйлестіреді. Әртіс моңғол және ағылшын тілдерінде өнер көрсетеді.
Silk Way Star финалы Jibek Joly телеарнасында тікелей эфирде көрсетілді. Сонымен қатар жоба Әзербайжан, Тәжікстан, Қырғызстан, Моңғолия, Өзбекстан және Грузия телеарналарында да транслияцияланды.
Финалда жеті елдің өнерпаздары бақ сынады: Язмин Азиз (Малайзия), Мадинабону Адылова (Өзбекстан), Мишель Джозеф (Моңғолия), Автандил Абесламидзе (Грузия), ALEM (Қазақстан), Саро Геворгян (Армения) және Чжан Хэ Сюань (Қытай).
Жеңімпаз әділқазылар шешімі мен онлайн-дауыс беру нәтижесі бойынша анықталды.
